110. Incipit oratio Iohannis presbyteri de sanguine
Domini nostri Iesu Christi.

1. Salve, sanguis Christi Dei,
Dos aeterna, firma spei,
Merces, qua salvantur rei,

Vita, salus hominum;
Ave, cruor large fusus
Ad nostrae salutis usus,
Saevus hostis est detrusus
Per te Christum Dominum.

2. Nobis puer circumcisus
Es cruentus orans nisus,
Virgis, flagellis elisus,

Sanguis fluxit libere;
Grandi ludribrio daris,
Triste spinis coronaris,
Carne totus lacerans,

Cruor manat ubere.

3. Vide clavos penetrare,
Manus, pedes vulnerare
Et sanguinem distillare

Corpore poenaliter,
Impetu currit cruoris
Fons de corde salvatoris,
Lancea portam amoris

Aperit totaliter.

4. Saliunt cruor et unda,
Lavacra reis fecunda,
Gratia datur abunda

Purgans omne vitium ;
Dulcis cruor, liquor suavis,
Virgis, spinis, ferro, clavis
Prorumpit, quo culpa gravis

Sumit beneficium.

5. Originale peccatum
Solvit delet et reatum,
Omne crimen perpetratum

Postulantis veniam;
Misericors miserator,
Sanguine tuo, salvator,
Cito respirat peccator

Salvatus per gratiam.

6. Iesu Christe, tu thesaurum
Pretiosum super aurum
Dedisti culpae restaurum

Largiter hominibus,
Nos hic qui perigrinamur,
Eius gustu recreamur,
A cunctis morbis sanamur

Mundati criminibus.

7. Ingens pretium solvisti
Sanguinis, quo redemisti,
Christe, lapsos quos vidisti

Mortis in interitum ;
Nobilis ara salutis,
Data sexies virtutis
Opem praestat et salutis

Culpis, auget meritum.

8. Obtulisti, Christe, Deo
Patri sanguinem pro reo,
Moriens totum pro eo,

Mundum reconcilians ;
Sacro sanguine beatur,
Baptismo Christi sacratur,
Unda lateris lavatur

Reus se humilians.

9. Tale munus, divum pignus,
Donas, quo reus fit dignus,
Dispensator es benignus,

Ablue me maculis;
Refice, sanguis, lassatum,
Me lava coinquinatum,
Culpae vinculis ligatum

Solvas a piaculis.

10. Instaura me peccatorem,
Tuum, Christe, per cruorem
Passionis et dolorem

Reforma, sanctifica;
Iesu, me cruore pota,
Mea mens sit ut devota,
Conscientia sit lota,
Animam vivifica.

11. Huius cursum vitae bonum
Da, me fac ad bona pronum,
Sanguis tuus me ad thronum

Introducat gloriae;
Egrotanti sit medela,
Timenti salus, tutela,
Hostis ne laedant me tela,

Signum sit victoriae.

12. Sanguis fecundetcor, mentem,
Gratia soletur flentem,
Abluat me paenitentem,

Reatum indulgeat;
Vivax cruor, vitam praesta
Puram, mundi fuga maesta,
Orna mores, actus, gesta,

Virtus in me fulgeat.

13. Confer pacem, lites plana,
Purga sensus, corpus sana,
Iusta doce, pelle vana,

Rectifica spiritum;
Rumpat nexus delictorum
Virtus sanguinis meorum,
Veritas sacramentorum
Meum salvet exitum.

14. Induratum cor compungat,
Cruor spiritum perungat,
Transeuntem me coniungat
Caelesti militiae;

Sancte pater, audi natum,
Pro me passum, immolatum,
Omni parte cruentatum,
Auctorem iustitiae.

15. Triumpho, sanguine, cruce
Iesu fisus ab hac luce
Transeam te Christo duce

Ad sanctorum aciem;
Ibi patris creatoris
Cernam, nati redemptoris,
Sancti spiritus amoris

In aeternum faciem.

16. Hoc in loco continetur
Sanguis Christi, qui medetur
Omnem aegrum, si precetur

Deum corde credulo ;
Iste sanguis restauravit
Urbem hanc, quam ignis

stravit,
Christus gratiam donavit
Hoc in loco sedulo.

17. Civitas ista formosa,
Fidelibus populosa
Effecta est gloriosa

Cruoris praesentia;
Praestantur hic sanitates,
Succedunt prosperitates
Felices et dignitates

Domini clementia.

18. Rex aeterne, dona pacem
Per sanguinem efficacem,
Gladium tolle minacem

In die iudicii;
Emunda cor inquinatum,
Cruor, ablue reatum,
Finem tribue beatum,

Poenam tolle vitii.

19. Sempiterna claritate,
Semper immortalitate
Potiar felicitate,

Deprecor suppliciter;
Eterno fungar thesauro,
Sacro merear restauro
Ditari caelorum auro,

Quo pergam feliciter.

20. Nova fruar visione,
Christi Dei censione,
Pro sanguinis fusione

Dona praecellentia,
Stola gemina beatus,
Dotibus septeni donatus,
Perpetim glorificatus

Loco refulgentiae.