174. De V Gaudiis BMV.

1. Heu, miser quid faciam?

Plenus sum dolore,
Nescio, quo fugiam

Mortis prae timore,
Nisi ad te, domina,

Stella cum nitore,
Fulgens super omnia

Speciali more.

2. Ave, virgo regia,

Cella Iesu Christi,
Quae tu plena gratia

Verbo concepisti
Castitatis lilium

Neque perdidisti,
Sed aeterni filium

Patris genuisti.

8. Ave, de qua nascitur

Noster advocatus,
Et de cuius pascitur

Lacte Dei natus,
O regina virginum,

Quaeso, sit placatus
Per te Deus omnium

Puer nobis datus.

4. Ave, plena gaudio,

Mater, inquam, Dei,
Resurgente filio

Tertiae diei
In aurora, nuntia,

Per quam verae spei
Nobis datur gratia,

Confitemur ei.

5. Ave, nostrum gaudium,

Laeta quae vidisti
Ascendentem filium,

Quem tu peperisti;
Vitis o fructifera,

Sponsa Iesu Christi,
Salva nos et libera

De timore tristi.

6. Ave, plena gratia,

Virgo coronata,
Summa cum laetitia

Caelo exaltata,
Spes et nostra gloria,

Clemens advocata,
Nobis in memoria

Sis propitiato.

7. Per haec quinque gaudia,

Verbi Dei cella,
Mortis tua gratia

Dira placa bella
Atque nos a dentibus,

Virgo, maris stella,
Tartari foetentibus

Erue, puella.