135. In Visitatione BMV.

1. Salve, o fructifera palma,
Virginum decus, mater alma,
Quae castitate floruit
Et vitae fructum protulit.

2. Salve, tu virga Aaron,
Quae et fronduit in Sion,
Obumbrata ab altissimo,
Irrigata spiritu sancto.

3. Salve, iubar aethereum,
Illustrans omne saeculum,
Tua praecellens claritas
Nobis diva iucunditas.

4. Salve, dies hodierna,
Digna laude sempiterna,
Qua visitavit Maria,
Per quam patet vitae via.

5. Salve, virginalis porta,
De qua nova lux est orta,
Sicut stella matutina
Lucens, sicut lux divina.

6. Salve, pia visitatrix,
Nostrae salutis amatrix,
Visitare nos dignare,
Tu scis, dulcis mater, quare.

7. Salve, sacrum Dei templum,
Virtutum tu es exemplum,
In quo rex regum tunc obtulit
Hostiam, quae sibi placuit.

8. Salve tu lacis claritas,
Solis Dei iucunditas,
Visita nos, mater, hodie
Ut fervor solis meridie.

9. Salve, tu pacis ianua,
In qua iucundant agmina,
Per quam patet huic saeculo
Sollemnis nunc visitatio.

10. Salve, casta o Maria,

Nostra spes, laus, mater pia,
Nam te collaudat, domina,
Trina haec mundi machina

11. Salve, mater luminis,
Quam divini numinis
Visitavit gratia,
Felix aurora splendida.

12. Salve, ros balsamamiticus,
Cuius color lac candidus
Et odor suavissimus,
Sapor plus quam mellifluus.

13. Salve, aeternum sacrarium,
Quo splenduit sacerdotium
Atque virtutum armarium,
Quo reconditur praeconium.

14. Salve, regalis progenies,
O tu veneranda species,
Unde surgit ut aurora
Virgo mater tam decora.

15. Salve clausus fons signatus,
O flos florum illibatas,
Tua pia visitatio
Sit nobis nunc consolatio.

16. Salve, praeclarum aureum vas,
Quo se. transtulit divinitas,
Ad te nostrum refugium
Ut ad tutum praesidium.

17. Salve, ierarchia caelestis,
Cuius amoenitatis testis
Est Iesus tuus filius,
Pater et almus spiritus.

18. Salve, fulgens diadema,
Dictis prophetarum thema,
Tu es arca mosaica,
Plena divina gratia.

19. Salve, aureum ciborium
Et eburneum solarium,
Quod divinitas exstruxit,
Nobis natus quo illuxit.

20. Salve, pia visitatrix,
Omnis boni larga datrix,
In salutari nos visita,
Beata mater o Maria.