105. De Corpore Christi.

1. Ave, vivens hostia,

Veritas et vita,
In qua sacrificia

Cuncta sunt finita,
Per te patri gloria

Datur infinita,
Per te stat ecclesia

Iugiter munita.
2. Ave, vas clementiae,

Scrinium dulcoris,
In quo sunt deliciae

Caelici saporis,
Veritas substantiae

Tota salvatoris,
Sacramentum gratiae,

Pabulum amoris.

3. Ave, manna caelicum

Verius legali,
Datum in viaticum

Misero mortali,
Medicamen mysticum

Morbo spiritali,
Morte dans catholicum

Vitae immortali.

4. Ave, corpus Domini

Et munus finale,
Corpus iunctum numini,

Nobile iocale,
Quod reliquit homini

In memoriale,
Cum finali termino

Mundo dixit vale.
5. Ave, plenum gaudium,

Vita beatorum,
Pauperum solacium,

Salus miserorum,
Grande privilegium

Est hoc viatorum,
Quorum sacrificium

Merces est caelorum.

6. Ave, virtus fortium.

Obvians ruinae,
Turris et praesidium

Plebis peregrinae,
Quam insultus hostium

Frangere non sine,
Ne vi malignantium

Pereat in fine.

7. Sic Iesus veraciter

Duplex est natura,
Non est partialiter

Nec solum figura,
Sed essentialiter

Caro Christi pura
Latet integraliter

Brevi sub clausura.

8. Caelo visibiliter

Caro Christi sita,
Forma panis aliter

Latet hic vestita,
Solus novit qualiter,

Hanc qui ponit ita,
Potest hoc faciliter

Virtus infinita.

9. Sumptum non consumitur

Corpus salvatoris,
Idem totum sumitur

Omnibus in horis,
Forma panis frangitur

Dente comestoris,
Virtus carnis sugitur

Morsibus amoris.

10. Christus nihil patitur

Huius laesionis,
Forma panis solvitur

Vi digestionis,
Tunc si Christus quaeritur,

Est in caeli thronis,
Sicut vult, hinc tollitur

Datis vitae donis.

11. Hoc ardoris calculo

Veni nos ignire,
Hoc amoris stimulo

Frange motus irae,
Et eodem ferculo

Qui nos vis nutrire,
Velis cordis vinculo

Fortiter unire.

12. Moris est amantium

Invicem sitire,
Ut arcana cordium

Possint introire,
Sic vult rex regnantium

Caritatis mirae
Cibando fidelium

Intima subire.

13. O Iesu dulcissime,

Cibus salutaris,
Qui sic nobis intime

Tribui dignaris,
Mala nostra deprime

Fletibus amaris
Et affectus imprime,

Quibus delectaris.

14. Iesu, vivens hostia,

Placa maiestatem,
Sacramenti gratia

Confer sanitatem,
Pauperum substantia,

Da aeternitatem,
Domini memoria,

Fove caritatem.

15. Vanitatem spernere

Fac nos, consolator,
Hostes dona vincere,

Christe, propugnator,
Et quod doces credere,

Iesu reparator,
Per te tandem cernere

Da, remunerator.

AdminBookmark

AdminBookmark

Cunctis venerantibus istud sacramentum
Nobis et credentibus fiat nutrimentum,
Devotis sumentibus sit delectamentum,
Cunctis adorantibus fiat adiumentum.

AdminBookmark

Nobis conservantibus istud sacramentum
Et cunctis credentibus fiat nutrimentum;
Devote sumentibus sit delectamentum,
Omnibus negantibus fiat detrimentum.

AdminBookmark

Ave, simplex deitas trinae unitatis,
Te laudamus, trinitas, hostiis beatis,
Nos adfligit pravitas fame egestatis,
Dapes nobis inclitas da aeternitatis.

Vita, salus, gaudium, spes universorum,
Tu merces et praemium, salus beatorum,
Tibi laudes omnium corda devotorum
Concinunt in saecula et in saeculorum.

AdminBookmark