48. De Passione Domini.

1. Ave, Iesu, qui fuisti
Nocte natus, descendisti

Ad inferni latebras,
Da renatis adimplere
Nova iussa, da cavere

Vetustatis tenebras.

2. Ave, florens vultus Christi,

Sputa pro me suscepisti,

Et decora facies,
Non, te precor, avertaris,
Sed et me intuearis

Centies, millesies.

3. Ave, Iesu, qui damnatus
Mane es et suscitatus
De sepulcri lectulo,
Morte tua triumphali
Me suscita de letali
Peccatorum tumulo.
4. Ave, qui apparuisti,
Iesu, tuis et fuisti

Vinctus hora prima,
Solve reos, ne reatus
Contra eos iudicatus
Coudemnet in infima.

5. Ave, Iesu, qui misisti
Paraclitum et fuisti

Caesus hora tertia,
Fac me digne flagellare
Carnem, sancti exspectare

Spiritus solacia.

6. Ave, Iesu, qui proiectus
Extra portam et erectus

In crucis es patibulo,
Qui misertus es latronis,
Tuae miserationis

Nos astringe vinculis.

7. Ave, Iesu, quo in cruce
Viso mundus sueta luce

Hora sexta caruit,
Mihi semper sit in mente
Lux, quae Iesu resurgente
Credulis apparuit.

8. Ave, Iesu, qui potatus
Felle tradis inclinatus

Hora nona spiritum,
Ne peccati pastus melle
Poter male mortis felle,

Da salutis exitum.

9. Ave, ave, Iesu bone,
Tui cordis scissione

Confertur utilitas,
Sanguis tuus me emundet,
Cor impinguet, cor fecundet,

Tollatur infirmitas.

10. Ave, qui decubuisti
Lecto crucis et fuisti

Totus in doloribus,
Opem fer in lecto mortis,
Mihi sis adiutor fortis,

Defensor ab hostibus.

11. Ave, Iesu, qui undena
Hora pastus es in cena

Et de cruce depositus,
Mystica refectione
Pasce me atque depone
Iugum culpae funditus.

12. Ave, Iesu, qui locatus
In sepulcro es vallatus

Militum custodia,

Et hac hora duodena

Me custodi et refrena

Mihi adversantia.

13. Iesu, tuam venerantera
Crucem, mortem cogitantem

Fove, serva, dirige
Lassum, stantem, gradientem
Post te, consolare flentem,

Incurvatum erige.