33. Ad Christum Oratio.

1. Iesu, qui de virgine

pro nobis es natus,
Circumcisus postmodum,

in templum oblatus,
Post annum tricesimum

aqua baptizatus,
Dein post ieiunium

a Sathana temptatus,
Ut omnes dilueres

humanos reatus,
Mihi dona, Domine,

dona sacri flatus.

2. Qui Iohannem utero

gaudere fecisti,
Ad te magos praevia

stella perduxisti,
Qui vinum in nuptiis

ex aqua fecisti,
Captum a daemonio

mutum eruisti,
Diuturnam feminam

statim erexisti,
Ficum reddis aridum,

cui male dixisti,

3. Motui maris imperas

et ventum sedasti,
Pisce dante staterem

didragma solvisti,
Socrum Petri febribus

tentatum curasti,
Super aquam veluti

per terram transisti,
Te coram discipulis

transfiguravisti,
Qui de septem panibus

milia pavisti,

Plures de residuo
sportas implevisti,

Peccatori subveni,
pie Deus, isti.

4. Qui propulso daemone

Surdum das audire,
Rupto linguae vinculo

mutum loqui mire,
Sanas paralyticum

et facis abire,
Legionem imperas

in porcos subire,
Quae sunt tibi placita,

fac me, Deus, scire.

5. Qui decem a macula

leprosos mundasti,
Qui de quinque panibus

multos tu curasti,
Qui Chananeae filiam

clamantis salvasti,
Qui Martham a sanguinis

fluxu liberasti,
Me salva, quem sanguine

proprio purgasti.

6. Qui fatentem recipis

pie publicanum,
Pharisaeum despicis

superbum et vanum,
Qui verbo restituis

mauro siccam manum,
Servum, pro quo centurio

rogat, facis sanum,
Quod est in me subdolum

tolle et profanum.

7. Qui de ficu fatua

vocasti Zachaeum,
Theloneo subtrahis

transiens Matthaeum,
Qui sanas hydropicum,

sabbato curas reum,
Qui distans a reguli

nato sanas eum,
Reparante gratia

perfunde cor meum.

8. Qui Mariae lacrimas

pie respexisti,
Qui clementer crimina

multa dimisisti,
Captam adulterio

moecham absolvisti,
Oaecum natum liniens

videre fecisti,