58. Carmen de Passione Domini.

1. Ad honorem nominis

tui, Iesu Christe,
Passionis ordinem

liber tradit iste,
Sicut rei seriem

dant evangelistae,
Narrando supplicia

dulcis agonistae.
2. Iesus in Bethania

castello cenabat,
Discumbente Lazaro

Martha ministrabat,
Christi caput ungere

Maria curabat,
De quo Iudas proditor

dolens murmurabat.

3. Post asello vehitur,

ut rex honoratur,
Praenoscens excidium

urbis lacrimatur,
Vendentes eiciens

templum veneratur,
Sero circumspiciens

a nullo vocatur.

i. Arescit ficulnea

Domino iubente,
Quae nil praeter folia

protulit, repente,
Adducunt adulteram

proceres non lente,
Sed recedunt singuli

Domino scribente.

5. De die indicii

protrahit sermonem
Suumque discipulis

praedicit agonem,
Pharisaei sitiunt

Christi passionem
Et cum scribis conferunt

necis unionem.

6. Tunc coetum pontificum

princeps congregavit,
Adest Iudas temere,

quem nemo vocavit,
Salvatorem vendere

miser non expavit,
Opportuni temporis

moras exploravit.

7. In grandi cenaculo

pascha manducatur,
Quo ritus legalium

rite terminatur,
Pedes lavans servulis

rex humiliatur,
Et corpus dominicum

cunctis dispensatur.

8. Futurorum praescius

sciens proditorem
Turbatis discipulis

narrat hunc tenorem:
Unus de duodecim

tradet redemptorem ;
Mentes innocentium

incurrunt timorem.

9. Ministrum nequitiae

Iohanni detexit
Per buccellam liquidam,

quam Iudae porrexit,
Qui repletus daemone

Christum linquens exit,
Ad malorum complices

Concite perrexit.

10. Caritatis mutuae

revelans doctrinam
Amanti discipulo
praedicit ruinam,

Cui post lapsum veniae
confert medicinam,

Hinc honorant laudibus
faciem divinam.

11. Tunc egressus adiit

montem olivarum,
Orans patrem repetit

transitum poenarum,
Sudor stillat sanguinis

instar lacrimarum,
Somnolentos increpat

custos animarum.

12. Venientem populum

verbo mox prostravit,
Mitis agnus osculum

Iudae non negavit,
Clientis auriculam

Petrus amputavit,
Sed hunc Iesus dulciter

tangendo sanavit.

13. Velut lupi saeviunt

agnum vincientes,
Trahunt, trudunt, feriunt

plagas inferentes,
Fugiunt discipuli

solum relinquentes,
Unus spreta sindone

evasit tenentes.

14. Ad Annam pontificem

cohors Iesum duxit,
Agnitus pontifici

Petrum introduxit,
Qui negando Dominum

turpiter defluxit,
In se tandem rediens

casum flendo luxit.

15. Praetendens calumniam

Annas sciscitatur,
Quem et Christus dulciter

respondens adfatur,
Manu caedens Dominum

servus dedignatur,
Dum a cunctis Dominus

tacens criminatur.

16. Annas Iesum Caiphae

misit alligatum,
Quo necis concilium

erat congregatum,
Falsum testimonium

iniuste prolatum
Producunt in medium

contra Dei natum.

17. Velatur, conspuitur

facies beata,
Palmis, pugnis caeditur,

quem gens scelerata
Morti tunc adiudicat

de cunctis ingrata,
Iesum tradens praesidi

nocte iam fugata.

18. Ductus paenitentia

traditor accessit,
Triginta argenteos

iaciens recessit,
Desperans de venia

guttur fune pressit,
Aes relatum pauperum

sepulturae cessit.

19. Ad Pilatum dirigunt

ingentem clamorem:
Hunc perde celerius

gentis subversorem,
Qui captare satagit

regium honorem
In tributis arguens

Romanorum morem.

20. Praeses non inveniens

causam condemnandi
Iesum dat examini

Herodis nefandi,
Alba veste tegitur

cum despectu grandi,
Pilato remittitur

in signum amandi.

21. Uxor suadet praesidi,
iustus ne laedatur,
Barrabas dimittitur,
Iesus flagellatur,

Amicitur purpura,

spinis coronatur,
Crucifige crebrius

plebs vociferatur.

22. Postquam manus laverat

praeses sceleratus,
Iesus crucem baiulat

poenis fatigatus,
Simon tollit postea

sed angariatus,
Ut seipsas defleant,

flentes est adfatus.

23. Cum duobus ducitur

ad locum poenarum,
Crucifixo poculum

propinant amarum,
Tunc dimitti postulat

crimen lanistarum,
Testis sorte tollitur,

pars induniarum.

24. Cruci scribens titulum

adfixit Pilatus,
A scribis illuditur

cruci conclavatus;
Pendens hinc blasphemiam

loquitur damnatus,
Quem sodalis increpans

prorsus est salvatus.

25. Matrem tunc maestitiae

Iohanni commisit,
Soli lumen defuit,

vocem cum emisit,
Deus meus, clamitat,

ut quid me dimisit?
In agone positum

turba stans derisit.

26. Consummatis omnibus

Sitio clamavit,
Cui fel per spongiam

miles propinavit,
Lacrimando spiritum

patri commendavit,
Lassatus doloribus

clamans exspiravit.

27. Velum templi scinditur,

petrae dividuntur,
De sepulcris mortui

post egrediuntur,
Visis tot miraculis

multi compunguntur,
Mulieres sedulae

flentes adfliguntur.

28. Crura frangunt ceteris

corpora tollentes,
Ossa tamen Domini

non comminuentes,
Latus Christi perforant

lancea pungentes,
Unda, sanguis profluit

mundans omnes gentes.

29. Ioseph Deum metuens

corpus postulavit,
Nicodemo complice

pigmentis stipavit,
In sepulcro posuit,

quod saxo signavit
Princeps, ad custodiam

milites locavit.
30. Iesu benignissime,

tuum cruciamen
Largiatur tristibus

optatum solamen.
Mihi tuo famulo

praestet adiuvamen,
Laudem te per saecula

saeculorum. Amen.