149. In Purificatione BMV.

1. O Maria illustrata,
Summa luce consignata,
Vera lux est dilatata

In mentis tuae speculo ;
Tu lucerna radiosa,
Cuius vita gloriosa
Per exempla virtuosa
Lucem dedit saeculo.

2. O amatrix meritorum,
Tu meorum peccatorum,
Vitiorum et errorum

Caliginem illumina,
Ut in via te ductrice
A te Dei genetrice
In me semper et hac vice

Sint gratiarum lumina.

3. O Maria, stella maris,
Claritate singularis,
Decus mundi nominans

Mira pulchritudine,
Clara stella splenduisti,
Quando virgo concepisti
Salvatorem peperisti
Sine naturae ordine,

4. Tu salutis mihi stella,
Mihi placa mundi bella,
Ne involvat me procella

Damnantis miseriae,
Mea stella directiva,
Sis a malis salvativa
Et ad portum productiva
Perennalis patriae.

5. O Maria, tu amarum
Mare, quando in poenarum
Passione tuum carum
Conspexisti filium,
Magnum tunc compassionis
Iuxta verbum Simeonis

Persensisti gladium.

6. Fac me Christo adhaerere,
Pro me passum fac lugere,
Crucifixo condolere

Tanto de supplicio,
Da peccata emendare,
Mihi fiere da amare

Mea sit contritio.

7. O tu domina Maria,
Tu cum potestate pia
Constitutis in hac via

Praesides hominibus,
Angelorum imperatrix,
Infernorum triumphatrix,
Miserorum miseratrix,

Sic dominaris omnibus.

8. O regina tu virtutum,
Esto mihi pacis scutum,
Iter meum serva tutum
A malignis hostibus;
Tuum natum pro me ora,
Ut instante mortis hora
Me commendet sine mora
Angelorum coetibus.