180. De IX Gaudiis BMV.

1. Gaude, virgo singularis,

Virgo mater unica,
Mater veri salutaris,

Salus mundi publica.
Tu de caelo salutaris,
Tu per aurem gravidaris

Et in cella modica
Magnum Deum hospitalis,
Quem nec caeli, terrae, maris

Tota capit fabrica.

2. Gaude, quae, dum honorans

Voce sic angelica,
Fructu vitae fecundans

Contra mortis toxica;
Matris infans, quem adfaris,
Scit, quo fructu replearis,

Clausus alvi tunica,
Quo perpenso comprobans
Via vitae linearis,

Animarum medica.

3. Gaude, quod nec habearis

In conceptu lubrica
Nec in partu torquearis,

Tu porta dominica,
Porta, quae non reseraris,
Tu quae solem stella paris,

Stella non erratica,
Nesciaque parem paris,
In hoc sola praerogaris

Nec instabit aliqua.

4. Gaude, quae dum a praeclaris

Stella duce magica
Reverenter adorans,

Reges et Arabica
Dona regum admiraris,
Quibus ipsa figuraris;

Murra docet typica,
Quia cruci complantaris,
Auro regnans ostendatis,

Ture mater deica.

5. Gaude, luna transsolaris,

Luna non ecliptica,
Luna, quae non varians,

Alba, clara, sphaerica,
Quod oblatis sacris aris,
Quae offerre tenebaris

Ex lege Mosaica,
Voce lumen, quo lustrans,
Tanti stupet luminaris

Simeon prophetica.

6. Gaude, sinus puellaris,

Maiestas authentica,
Quae tyrannum depraedaris

Depraedantem reliqua,
Lupum agno tu venaris,
Qui dum sui fit altaris

Hostia pacifica,
Tuque simul immolaris,
Resurgenti collaetaris,

Soli lux enclitica.

7. Gaude, quae dum consecraris

Divina basilica,
Lapis, supra quem fundaris,

Colla premit hostica,
Lapis quidem angularis,
Reprobatus ab ignaris

In gente Iudaica,
Sed in Christo quae firmaris,
Elevatum contemplaris

Supra quaeque caelica.

8. Gaude, lampas olearis,

Lampas aromatica,
Vas, quod solum non solaris,

Olla spei mystica,
Quod, qua summe replearis,
Exundare merearis

Gratia pneumatica,
Reddendaque largiaris
Tua cara tuis caris

Dona paraclitica.

9. Gaude, quae sic dominaris,

Quod nec habet cantica,
Quibus plene concinaris

Tota mundi musica;
Tu suprema collocans,
Tu perfecte gloriaris,

Tu potens, tu bellica,
Tu, quae victrix coronaris,
Ne nos vinci patiaris,

Sed pro nobis dimica.