AnHym Author, Analecta Hymnica – XXXI. Pia Dictamina

8. Patri Ioseph oboediens
Eras es matri subditus,
Quae Dei sunt, perficiens,
In his eras sollicitus.
9. Iohannes ut te diluit
Aqua fontis ut noxium,
Paterna vox intonuit
Te suum dicens filium.
10. Post prolixum ieiunium
Homo verus esuriens
Vicisti ter daemonium
Verba legis obiciens.

11. Congregatis discipulis
Aeternae vitae semina
Spargis ingratis populis
Metens vitae gramina.

12. Tibi nullum hospitium
Nec est ulla possessio,
Solum praebet subsidium
Rara tibi devotio.

13. Famem, sitim, vigilias,

Fletum, aestum cum frigore
Et multas poenas alias
In tuo suffers corpore.

14. Omnes peccantes arguis,
In vultu nullum respicis
Nec peccatores respuis,
Quos iam conversos conspicis.

15. Crepant scribae, pontifices
Et pharisaei nocui,
Dum per sermones simplices
Se falsos cernunt argui.

16. Tibi parant insidias
Et optant te consumere,
Per fraudem et blanditias
Quaerunt in verbo capere.

17. Tentant de censu Caesaris,
Casum ponunt adulterae,
Ab aliis tu quaereris
Signum de caelo facere.

18. Te fabri dicunt filium,
Publicanorum socium,
Samaritanum, ebrium
Et habere daemonium.

19. Non te tenent iniuriae,
Quin illis benefacias,
Nec artant te penuriae,
Incepta quin perficias.

20. Morbos fugas et daemones,
Defunctos facis vivere,
Sed obstinati homines
Nec signis volunt credere.

21. Mortis tuae cum fratribus
Cenas instante tempore
Et pedes lavas omnibus
Et tuo cibas corpore.

22, Et mandas verbis dulcibus
Se invicem diligere
Et mundi passionibus
Valenter corda subdere.

23. Tandem completis omnibus
Mandatis legis veteris
Et Deo datis laudibus
Hortum petis cum ceteris.

24. Ventura sciens sociis
Dicis orare vigiles,
Ne hostis cum insidiis
Vos tentet carne fragiles.

25. Et ter prosternens supplicem
Oras patrem sic humile:
A me transfer hunc calicem,
Si vis et est possibile.

26. Et venis ad discipulos
Gravatos somnolentia,
Ter preci facis sedulos
Orans mente anxia.

27. Et sudas totus sanguine
Propinquae mortis taedio,
Sed angeli solamine
Firmaris in hoc proelio.

28. Surgis et vadis obviam
Armatis te quaerentibus
Et pacem Iudae noxiam
Verbis monstrans humilibus.

29. Verbo prosternis aemulos
Tuos et facis surgere,
Et prohibes discipulos
Volentes te defendere.

30. Maleho sanam auriculam
Reddis, post dicis: sinite
Hanc abire pauperculam
Turbam meam, me capite.

81. Tunc videntes discipuli,
Quod tu defendi renuis,
In fugam se dant tremuli
Et te relinquunt nocuis.

32. Ligatus pontificibus
Pertraheris crudeliter,
A falsis ibi testibus
Accusaris mendaciter.

33. Affligeris blasphemiis,
Iniuriis, clamoribus,
Sputis, palmis, opprobriis
Atque duris verberibus.

34. Mane Pilato duceris

Vinctas ut latro pessimus
Ab omnibusque diceris
Mortis es[se] dignissimus.

35. Te Pilatus innoxium
Videns quaerit dimittere,
Ad Herodem, te anxium
Videre, facit ducere.

36. Herodes sprevit impius
Te vestiens ut simplicem
Pilatoque te citius
Mittit et pax fit invicem.

37. Pilatus satisfacere
Credens tuis aemulis
Te totum facit caedere
Et sic monstrari populis.

38. Portans vestem purpuream
Spargis ubique sanguinem,
Habes coronam spineam
Dextra tenens arundinem.

39. Scribae cum pontificibus
Et universo populo
Te clamant magnis vocibus
Crucis figi patibulo.

40. A Pilato sententia
Contra te datur impia,
Stimulatur familia
Et parata sunt omnia.

41. Portanda tuis umeris
Crux ponderosa ponitur,
Ad locum mortis duceris,
Calvariae qui dicitur.

42. Nudus vidente populo
Clavis fixus crudelibus
Levaris in patibulo
Duobus cum latronibus.

43. Pendes in crucis onere
Propter nostra peccamina,
Magis mente quam corpore
Doloris fers gravamina,

44. Matrem tuam dulcissimam
Videns pro te deficere
Et tuam sacratissimam
Mortem paucis proficere.

45. Patri excusas populum
Dicens: nescit, quod faciat.
Matri donas discipulum,
Ut florem flos custodiat.

46. Fel gustas in angustia
Mortis, dum dicis: sitio,
Et paradisi gaudia
Latroni spondes socio.

47. Quod scriptum de te fuerat,
Consummatum est, asseris,
Cur pater te reliquerat,
Humiliter conquereris.

48. Patri clamans fortissime
Tuum commendans spiritum
Caput flectis, vilissime
Tuum concludis exitum.

49. Tunc mare, terra tremuit,
Velum templi dividitur,
Sol ut in nocte latuit,
Petrarum tenor frangitur.

50. Videns tanta centurio
Fatur te Dei filium,
Dat lateris apertio
Nobis salutis fluvium.

51. Largire mihi, Domine,
Virtutum exercitium,
Pro tua matre virgine
Et vitiorum taedium.

52. Me fac in tuis laudibus
Promptum, devotum, vigilem
Et in orationibus
Crebrum, ferventem, humilem.

53. Mitte tuum subsidium
Infirmis et pauperibus
Et veritatis radium
Errantium in cordibus.

54. Depositus in vesperis
A tuis de patibulo,
In sero pie conderis
In alieno tumulo.

55. Et descendens ad inferos
Portas frangis cum vectibus
Et patres illinc liberos
Trabis laetos cum laudibus.

56. Totus desiderabilis
Resurgis die tertia,
Pares tuis discipulis,
Ut fertur, matre praevia.

57. Scandis caeli sublimia,
Sedes in patris dextera,
Venturus es cum gloria
Nostra censurus opera.

58. Ut dixeras, paraclitus
Descendens in discipulos
Illos cunctarum caelitus
Linguarum docet modulos.

59. Precor, Iesu dulcissime,
Post tanta beneficia
Adhuc fac me latissime
Tua gaudere gratia.

60. Ad meam confer animam
Claram intellegentiam,
Voluntatem rectissimam
Et utilem memoriam.

61. Fac eam carnem subdere,
Falsum mundum despicere,
Hostis fraudes evadere
Et te semper appetere.

62. Mortis tuae memoria
Iugis cor meum fodiat,
Amoris tui gratia
Spiritum ardere faciat.

63. Patri, nato, paraclito
Laus sit semper et gloria,
Mortis Christi sint merito
Nobis aeterna gaudia.