9. De ss. Trinitate et Sacramento Altaris.
13. Oratio Paenitentis ad Deum.
16. De diebus tredecim vel quid Dominus in his operam egit.
26. De Transfiguratione Christi.
27. Incipit prologus rigmaticus in iubilum alaudae mysticae in nomine Domini.
40. Oratio pro peccatis ad Dominum Iesum.
43. Ad Christum et Mariam Oratio.
45. Verba Christi consolatoria.
47. Sequitur devotus rigmus dominicae passionis.
50. Dialogus de passione Domini. Christus ad hominem dicens:
53. Oratio bona et devota de passione Domini.
58. Carmen de Passione Domini.
60. Oratio de passione Domini et de compassione B. V.
65. Salutatio ad Faciem Domini.
72. Salutatio ad dolores singulorum membrorum Iesu Christi.
74. De sancta Cruce oratio devota.
85. Salutatio resurgentis Domini.
92. Oratio de Resurrectione Christi.
98. Salutatio ad Sacramentum Altaris.
106. Metra de Sacramento Eucharistiae.
107. Oratio bona ante Communionem.
108 a. Infra elevationem corporis Christi salutatio.
109. Ad elevationem sanguinis Christi.
110. Incipit oratio Iohannis presbyteri de sanguine Domini nostri Iesu Christi.
115. De Christo D. N. et Spiritu Sancto.
116. Te Deum de Spiritu Sancto.
128. De Nomine beatae Mariae V.
129. De Nomine beatae Mariae V.
131. De Nominibus Christi et Virginis.
137. Thalamus beatae Mariae V.
138. De Parta beatae Mariae V.
150. De Vocabulo Purificationis BMV.
163. Planctus beatae Mariae V.
164. Dialogus Mariae cum Populo.
188. De VII Gaudiis BMV terrestribus et totidem caelestibus.
189. De VII Gaudiis caelestibus BMV.
190. De VII Gaudiis caelestibus BMV.
191. De VII Gaudiis caelestibus BMV.
192. De VII Gaudiis caelestibus BMV.
193. De VII Gaudiis caelestibus BMV.
194. De XV Gaudiis caelestibus BMV.
205. Ad beatam Mariam V. Oratio vespertina.
206. Ad beatam Mariam V. Oratio vespertina.
207. Ad BMV. tempore pestilentiae.
O pater noster, Iesu digne,
Alme, mitis et benigne,
Confiteor me praemalignum
Corporis tui et indignum,
Cum corpus tuum summe purum
Non exigat cor nimis durum,
Abundans sorde et peccatis,
Nil habens verae pietatis.
Nam cum non compatiantur
Contraria, sed separantur,
Vilis ego, heu, peccator,
Terrestrium cohabitator,
Animam meam maculando,
Tua mandata non servando,
15. Sed et peccatis adhaerendo,
Diutius his insistendo
Sic contrarius tibi factus
Propter meos malos actus,
Heu, hen, te saepe offendi,
20. Me contra hostem non defendi.
Quamvis tamen, Christe care,
Non sim dignus, ut intrare
Digneris domum meam foedam,
Immunditiis multis plenam,
25. Te invoco et imploro,
Misericordiam adoro,
Ut sicut quondam voluisti,
Cum corporaliter vixisti,
Intrare domos peccatorum
30. Et fugare pestes horum,
Claudis gressum reparando
Et caecos illuminando,
Pestiferos redintegrando
Et mortuos resuscitando,
35. Sic me misericors et fortis
Participem fac huius sortis,
Licet sim peccator vere,
Tu mei tamen miserere,
Ut sumptio corporis tui
40. Taliter mihi detur frui,
Quod sordis sit fugatio
Et cordis mei purgatio,
Daemonis alienatio,
Sensuum reparatio,
45. In bonis confortatio
Et in his perseveratio,
Ut a te non separari,
Sed semper tibi famulari
Merear, sanctis sociari,
50. Faciem tuam contemplari.