210. "Te Deum" Marianum.

1. Te deam digne laudibus
et dominam fatemur,
Te in terris virginem

aeternam veneramur,
Te feminam eximiam
omnes laude famur.

2. Te matrem fertilissimam
elementa dicunt,

Tibi iugiter vocibus
creata benedicunt,

Te non colentes laudibus
se ipsos maledicunt.

3. Tibi omnes homines

sunt semper servientes,

Tibi omnes angeli
sunt semper obsequentes,

Tibi et archangeli
virtutesque canentes.

4. Principatus, potestates
et dominatus sonantes,

Te Cherubim et Seraphim
cum thronis sunt laudantes,

Te cuncta caeli agmina
sunt iugiter dicentes:

5. Sancta, dulcis, inclita,
hierarchiarum domina,

Sanctior, eximia
sanctificata femina,

Sanctissima, ingenua
patrona in patria.

6. Virgo, virgo virginum,
prima abs exemplo,

Mater, mater omnium
matrum, absque viro,

Mulier o mulierum
sexu non coniugio.

7. Te pater altissimus

sibi concreavit,
Te, pia, Deus filius

deifice beavit,
Te sanctus ex hoc spiritus

semper inhabitavit.

8. Plena infernalia

sunt, caelica, terrena,
Plena caeli curia

est gloria serena,
Plena virtualium

habituum tu vena.

9. Te praedicant apostoli
reginam gloriosam,

Te prophetarum paginae
stellam radiosam,

Te scimus multo carmine
radicem fructuosam.

10. Te scripturali serie
terram germinosam,
Te cruciatus martyrum
dicunt triumphosam,
Te confessorum viola
florum speciosam.

11. Te virginalis turmula

fert sideriosam,
Te caelebs viduitas

concinit flagrosam,
Sanctorum te fraglantia

spiratque fraglosam.

12. Te laudat omnis hominis
beatam hic facesia,
Te timet omnis feminam

victricem haeresia,
Te confitetur undique
sancta nunc ecclesia

13. Matrem Dei hominis
immensae maiestatis,

Matrem Dei plasmatis
intensae pietatis,

Matrem cuncti generis
virtutum dignitatis,

14. Venerandam Christi sponsam
et mariti nesciam,

Venerandam roris concham,
incontactam aream,

Venerandam mannae urnam,
panis, vini tinnulam,

15. Sancto solam impraegnatam,
tamen non generatam,

Sancto solam fecundatam
terram, non aratam,

Sancto solam sublimatam,
summe ubertatam.

16. Tu es aula Iesu Christi,

dos suavitatis,
Tu es caula reo tristi,

flos amoenitatis,
Tuque paula sic crevisti,

ut mons viriditatis.

17. Tu es patri amorosa,
sempiterna filia,
Tu es nata generosa,

mater spernens vilia,
Tu es semper dulcorosa
pneumati cum gratia.

18. Tu ad liberandum mundum
incarnasti Dominum,

Tu ad diligendum Deum
horruisti saeculum,

Tu ad redimendum reum
plantas Iesum genitum.

19. Tu praegnando mortem calcas,

vitam donans saeculo,
Tu gignendo natum falcas

crimina cum calculo,
Tu fovendo Christum saltas,

gaudens eius solio.
20. Tu ad dextram Dei patris

astas mater filio,
Tu ad morem piae matris

condoles exsilio,
Tu assertum trinitatis

edoces consilio.
21. Iudex per te mitigatur

vivo, simul mortuo,
Iudex in te complacatur

reo toto morbido,
Iudex tecum consolatur

compassurus populo.

22. Te ergo, clemens o patrona,

quaesumus, nunc subveni,
Se hinc demens, o matrona,

offert tantae consuli,
Se hinc amens, o corona

virginum, vult dirigi.
23. Aeterna qui es Dominus

luce trinus unus,
Aeterna nihilominus

vita, via, munus
Aeternum sis in gloria,

Christe, largiturus.
24. Salvum redde supplicem

populum et audi,
Salva, victrix, triplicem

pugnam et exaudi,
Solum tuae famuli

dent votum verae laudi.

25. Et hos rege, benedic
rectos te collentes,

Et extolle manu sic
hos fide inter gentes,

Et hosti nostro maledic,
secura nos timentes.

26. Per singulos dies te,

clemens, benedicimus,
Per singulas noctes te,

pia, flentes petimus,
Per singulas horas, o

dulcis, tibi gemimus.
27. Et laudamus nomen tuum

semper et in aevum,
Et laudamus partum tuum,

ut nil sit nobis saevum,
Et laudantem vultum tuum

non fac nato laevum.

28. Dignare, domna, omni hora

per gratiam te cernere,
Dignare nos laudare te

et votum nunquam spernere,
Dignare nos colendo te

tuos hostes sternere.
29. Miserere miseris,

regina clementiae,
Miserere, diceris

mater indulgentiae,
Miserere miserae

delictis neglegentiae.
30. Fiat misericordia

nobis, ut speramus,
Fiat benevolentia

nobis, qui clamamus,
Fiat et clementia

nobis, ut amamus.

Nachtrage und Berichtigungen.

ANALECTA HYMNICA

MEDII AEVI.

Herausgegeben
von

Clemens Blume und Guido M. Dreves.