16. De diebus tredecim vel quid Dominus in his
operam egit.

1. Primo die dixit Deus:
fiat lux, et facta est,
Lucem sempiternam dedit,
qui in illo credidit.
2. Secundo die fecit Deus
duo luminaria,
Sol in die, luna nocte
ordine constituit.
3. Tertia die ipsa maiestas
surrexit a mortuis,
Multas turbas ibi fuit
legionum angelis.

4. Quarta die de sepulcro
suscitavit Lazarum,
Cuius corpus iam foetebat,
ligatus sudarium.
5. Quinta die fecit Deus
magna mirabilia,
De quinque panes et duos pisces
satiavit milia.

6. Sexta die fecit Deus

hominem et omnia

Quadrupedia in terra

et omnes spiritus.

7. Septima die requievit
ab omnibus operibus,
Ipso die benedixit
et sanctificavit illum.
8. Octo annorum erat Iosue,
cum regnare coepisset,
Triginta et uno anno
regnavit Hierosolyma.
9. Decem verba sunt in lege
quos praecepit Dominus,
Qui illa custodit semper
manet in perpetuo.
10. Undecim sunt lunationes,
discutent latercula,
Et ut pascha inveniatur,
sic impletur numerus.
11. Duodecim sunt prophetae,
duodecim apostoli,
Quattuor evangelistae,
qui stant in ordine.
12. Tredecim annorum erat
virgo sancta Eulalia,
Ad martyrium est ducta
et accepit gratiam.

13. Gloria ut honor Deo
usquequo altissimo,
Una patri filioque
spiritui paraclito.