17. Metra de Verbo incarnato.

1. Verbum a principio

Procedens aeterno,
Quod cuncta consilio

Creasti aeterno,
Te rogare cupio,

Tibi me prosterno,
Purgatos a vitio

Salves ab inferno.
2. Lucem, caelum, sidera

Creans per mandatum,
Terram, pontum, aethera,

Cunctis dans ornatum,
Adam et post cetera

Ceteris praelatum,
Nos salva, nos libera

Diluens reatum.
3. Qui das locum proprium

Vitae innocentis,
Formans in auxilium

Costam dormientis,
Lapsos per edulium

Subicis tormentis,
Praebe te propitium

Votis paenitentis.
4. Qui munera simplicis

Abel reprobato
Cain pie respicis

Et Abel necato
Facta Lamech despicis

Henoch hinc translato,
Nos vultui iudicis

Praesenta placato.
5. Qui Noe prae ceteris

Iustum invenisti,
Cui post aquas foederis

Signum tribuisti,

Qui superbi generis

Linguas confudisti,
Nos a labe sceleris
Purga dono Christi.
6. Qui das Abrae titulum
Terrae visionis
Et Sarai lectulum

Paras Pharaonis,
Abram et nepotulum
Multis ditas donis,
Salva nos in saeculum
Ex ore leonis.
7. Sternens reges gentium
Per panem et vinum
Signans sacrificium

Promissum divinum,
Das Abrae conubium,
Dans eidem hinum,
Duc nos post exsilium
Ad Abrahae sinum.
8. Circumciso puerum

Spondes, ab ardore
Loth dimittis liberum
Ignis cum foetore,
Sordes punis scelerum,

Abrae pro sorore
Regem, coetus pauperum
Serves a dolore.

9. Qui das Sarae parvulum,

Eicis lusorem,
Temptans patrem vetulum,

Nati dilectorem,
Sarae praebes tumulum,

Isaac uxorem,
Ex hoc et in saeculum

Da tuum amorem.

10. Dans Rebeccae geminum
Benedictione,
Iacoh facis dominum,
Foves visione.