21. De Natali Domini.

Gaudeat omnis homo, quia nos de sede paterna

Christus dignatur visere factus homo.
Factus homo Dominus de virgine matre fovetur,

Lactat sicut homo, gaudeat omnis homo.
Inter mortales vivit mortalis et ipse,

Ne moriatur homo, gaudeat omnis homo.
Hunc nova stella Deum de caelo clamat, honorant

Reges muneribus, gaudeat omnis homo.
Tres tria dant, tria mystica sunt, colitur tribus unus,

Qui Deus est et homo, gaudeat omnis homo.

3. Custodi, ne discedas,

Custodi parvulum,
Per ipsum enim credas

Salvari saeculum,
Et felix es, si te das

Plangenti baculum,
Si manibus levato
Dederis amplexato

Occultum osculum.

4. Nec osculari vultum

Dico [ut] studeas,
Satis est, immo multum,

Pedes si valeas,
Immo pannorum cultum

Tenere studeas,
Fimbria vestimenti
Sanitatem languenti

Dedit, en, timeas.

5. Redde matri lactandum

Castis uberibus,
Sed resume portandum

Alternis vicibus,
Si dura sit ad dandum

In tuis manibus,
Dic: tuus iste natus
Non tibi soli datus,

Sed datus omnibus.

6. Si miserum causaris,

Venit pro miseris,
Per ipsos exaltaris,

Mater efficeris,
Ergo ne dedignaris,

Quod pro me ceperis,
Quanto magis sum reus,
Tam magis erit meus

Una cum ceteris.

7. Adcurre, gens peccatrix,

Non siccis oculis,
Salvatorem salvatrix

Praesentet singulis,
Thesaurum conservatrix

Nunc offert populis,
Si tantae pietati
Fuerimus ingrati,

Vae nobis miseris !

8. Venit ab arce patris

Natus carissimus,
Ubera suxit matris,

Sicut nos fecimus,
Cuius amorem fratris

Quando recolimus,
Mirum, si tam gelati
Calore nominati

Mox non liquescimus.

9. Venit enim ut ignis

Terram accendere,
Tam exemplis quam signis

Mundam concutere,
Eius donis benignis

Carnem exuere,
Ut hoc igne conflati
Soli iam maiestati

Curemus vivere.

10. Si mihi vis iurare

Iurando foedere,
Quod nil velis amare,

Me solum quaerere,
Promitto caelum dare,

Me tibi iungere,
Cuncta bella domare,
Ut possis superare,

Vires tribuere.

11. In primis cor consulta,

Quod vis eligere,
Ecce, requirunt multa

Tuum diligere,
Sed vide, ne sis stulta,

Cura distinguere,
Et si sum eligendus
Cunctisque praeponendus,

Noli me spernere.

12. Ego natura Deus

De patre prodiens,
Ut mundaretnr reus

In matrem veniens,
Factus pauper Hebraeus

In cruce patiens,
Patenter demonstravi,
Quod nimis te amavi

Tam magna faciens.

13. Dicas ad amatores:

Quid mihi facitis?
O carnales amores,

Vos me inficitis,
O vos mundani flores,

Cito deficitis,
O mali suggestores,
Ad aeternos ardores

Vos me conducitis.

14. De me inhil habebis

Nisi solacium,
Nec modicum censebis

Vitale gaudium,
Post aeterne ridebis

In regno caelitum
Beataque tenebis,
Cum mihi adhaerebis,

Intra palatium.

15. Erras, si reperire

Te putas melius,
Cito debet perire

Bonum exterius,
In toxicum redire,

Quod sapit dulcius;
Ergo vitam acquire,
Quae non potest perire,

Vivendo sanctius.