24. De Nomine Iesu.

1. Salve, nomen salvatoris,
Salve, gemma redemptoris

Illapsa nobis caelitus,
Salve, nomen sanctum Dei,
Salve, robur nostrae spei,

Largire dona spiritus.

2. Iesu sanctum nomen novum,
Nomen Dei virtuosum,

Esto nostrum refugium,
Iesus salvat, Christus ungit,
Cristus nobis se coniungit,

Plenus sanctorum gaudiis.

3. Iesus amor salvatoris,
Christus sanctus et suavis,

Spiritalis unctio,
Iesus Christus, lux Mariae,
Grandis honor matris piae,

Iesu, nostra redemptio.

4. Iesus tremor infernorum,
Christus amor beatorum,

Viatorum solacium,
Iesus porta salvandorum,
Laus et splendor angelorum.

Pietatis palatium.

5. Per hoc nomen inflammamur,
Inflammati sublevamur

Ad aeterna sidera,
Per hoc nomen coronamur,
Coronati gloriamur

In paradisi gloria.