27. Incipit prologus rigmaticus in iubilum
alaudae mysticae in nomine Domini.

1. Lucis in principio

Tempore brumali
Semel fui gaudio

Permotus spiritali,
Coepi mente volvere,

Quid sit post futurum,
Quoniam hoc tempore

Nihil est securum.
2. Coepi pueritiam

Hic mente retractare,
Pastorum laetitiam

Antiquam ruminare,
Et quam transitoria

Sit haec res mundana,
Et quam vana gloria

Corda caecat humana.
3. Puer pastor ovium

Saepe fui laetus,
Et concentus avium

Sedabat meos fletus,
Sed inter aviculas

Una praecellebat,
Quae me post oviculas

Saltare faciebat.
4. Illa septem vicibus

Sursum volitabat
Et praeclaris vocibus

Sic Deum collaudabat,
Clamans magnis vocibus

Exemplar hominibus
Sic est suo cantu.

5. Haec est illa nobilis

Humilis alauda,
Grisea cum pennulis

Ac alis, ventre, cauda;
Niger corvus crocitat

Clamens semper cras, cras,
Piger sic procrastinat,

Sic transit ver et aestas.

6. Quid tu, radis cucule,

Quid nescis cantare,
Nisi semper simile

Kukuk reciproeare;
Pica satis saltitat,

Sed non valet cantus,
Quia multum garrulat,

Hoc fugat omnis sanctus.
7. Sic se gerunt homines,

Ut quivis consuevit,
Et sic cantant volucres,

Ut eis rostrum crevit,
Ergo modum volucris

Primae praeelegi,
Quae sit tantum alacris,

Huic similem non legi.
8. Grates, Christe, milies,

Qui sic me vocasti,
Quod in die septies

Laudare te donasti,
Ut alaudam mysticam

Tibi praeparasti,
Ad turbam minoricam

Tam sanctam adgregasti.

9. Et quod sic sum griseo

Panno decoratus,
In hoc multum gaudeo

Alaudae similatus,
Ut alauda quaerito

Grana per plateas
Et hinc liber visito

Caelestium choreas.

10. Iam propinquo senio

Ad modum alaudae
Magno desiderio

Virescit cor in laude;
Nunc, alauda mystica,

Tempus est cantandi
Et nos laude caelica

Parum laetificandi.

Bene cane canticum
Iubilum amoris,

Ut tandem angelicum
Decantes in choris.

Incipit iubilus alaudae mysticae in septem ascensiones distinctus
cum pansis totidem correspondentibus.

I.

1. Regem Christum hodie,

Fratres, honoremus,
Laudes suae curiae

Ad mentem revocemus.
Ibi mille milia

Cantant cum Maria,
Dicunt cum laetitia,

Cum dulci symphonia:

2. Nunc cantemus Domino

Multum gloriose,
Toto cordis organo

Multum affectuose,
Omne quod iuraverat

Patribus daturum,
Nihil irritaverat

Hoc denotat futurum.

3. Nunc, alauda nobilis,

Modicum quiescas,
Ne fatigata debilis

Effecta contabescas,
Sed resume citius

Laudes, ne tepescas,
Semper, semper dulcius

In cantu convalescas.

II.

1. Cum regina sapiens

Vidit Salomonem,
Sensu fit deficiens,

Hunc protulit sermonem,
Clamat famam vincere

Visam veritatem
Et beatam dicere

Suam societatem.

2. Ut cervus desiderat
Ad fontem aquarum,
Sic cor meum properat
Ad Christum regem carum,

Gloriosam praedicat

Sanctam civitatem,
David cum laetificat

Totam societatem.

3. Lauda, lauda Dominum

Semper tu, alauda,
Nullum sacrificium

Est gratum sine cauda,
Semper sursum teneas

Cor, alauda pia,
Christo laudes offeras

Cum dulci melodia.

III.

1. Civitas gratissima,

Quando te videbo,
Cur infelicissima

Tamdiu te carebo?
Heu, quod prolongatus est

Talis incolatus I
Ergo maestum factum est

Cor, sum attaediatus.

2. Ibi cum spiritibus

Congaudent omnes sancti,
Senes cum iunioribus

Corde desideranti,
Ibi in cubilibus

Suis laetabuntur,
Iubilus in faucibus,

His semper implebuntur.

3. Nunc, alauda, iubila

Dulci melodia,
Canta tuo modulo

Laus Christe voce pia,
Lauda pium Dominum

Regem saeculomm,
Salvatorem hominum

Cum choris angelorum.

IV.

1. Plateae Ierusalem

Auro constementur,
Per cantum mirabilem

Tunc aures informentur,
Hic est cantus mellicus

Alleluia dulce,
Hoc resument crebrius

Nunquam tamen insulse.
2. Quam grande convivium

Fecerat Assuerus,
Multo plus magnificum

Rex praeparavit verus,
Ibi merum caelicum

In auro potatur
Et panem angelicum

Mens edens saturatur.

3. O felix avicula,

Ales spiritalis,
Sursum cor in saeeula,

Ubi laus aeternalis,
Non est inter volucres

Laudans ut alaudae,
Hoc nos reddat alacres

Nunc in divina laude.

V.

1. Ut victores incliti

Ibi laetabuntur,
Capta praeda dediti

Quieti iocabuntur,
Ibi regem Dominum

Vident in decore,
Salvatorem omnium

Collaudant in amore.
2. Ibi super omnia

Bona statuentur,
Qui ad transitoria

Amore non tenentur,
Ibi in caelestibus

Dantur mansiones,
Pro bonis operibus

Habent pausationes.

3. Ach, amoris canticum,

Iubilus alaudae,
Sis dulce viaticum

In tua laeta laude,
Quia caput tremere,

Visu caligare
Coepi, corde gemere

Ac gressu declinare.

VI.

1. Non est comparatio

Digna passionum,
Clara revelatio

Ostendet omne bonum,
Quod non vidit oculus

Nec aures intravit,
Hoc exspectat populus,

Hic Iesum qui amavit.
2. O vos Christi pugiles,

Certetis constanter,
Sitis modo vigiles,

Rependet abundanter,
Fertis momentaneam

Tribulationem,
Tunc rex dabit auream

Remunerationem.

3. Nunc ad Christi gloriam

Simus ut alaudae,
Ad caelestem curiam

Volemus dulci laude,
Quia vires defluunt,

Et capilli cani,
Et nil plus reficiunt

Amores hi mundani.

VII.

1. Tunc absterget lacrimas

Deus miserator,
Passiones plurimas

Delebit recreator,
Nova fient omnia

Caelum, terra, mare,
Iudicabis somnia,

Quae soles nunc amare.

2. Exsul in exsilio,

Iesu, clamo: veni;
Dicis: cito venio.

Amore non praeveni,
Alleluia resono

Saepe resumendo,
Dulces laudes persono

Et gaudeo canendo.

3. Facit laudis terminum

Defectus sermonis,
Hic sit finis carminum,

Qui regnat caeli thronis,
In caelesti curia

Iesus et Maria
Laudetur per saecula

In trina hierarchia.