38. Ad Christum Oratio.

1. Tibi, Iesu, creatori
Detur benedictio,
Tibi, Iesu, redemptori
Honor et laudatio

2. Tibi, Iesu, confiteri

Bonum est et psallere,

Modus cuius est mederi,
Usus est ignoscere,

Ius naturae misereri,
Et voluntas parcere.

3. Non est onus ita grave,
Ut peccati sarcina,

Corpus enim premit prave,
Cordis caecans lumina,

Mentem ducens in vae a vae
Et offendit numina.

4. Heu, quid agam, toti mundi

Vilescens obsordui,
Coetu caeli laetabundo

Non sum dignus perfrui,
Solum Stygis in profundo

Mansionem merui.
5. Omnem mundum maculavi

Per meam libidinem,
Mala tanta perpetravi,

Quod ob multitudinem

6. Iesu, motu medicinae
Miserum me visita,

Et a vinclo mortis trinae
Foetentem me suscita,

Ac da vitam sine fine
Pietate solita.

7. Mihi reo miserere,

Sic et cunctis miseris,

In praesenti nos tuere
Et post diem funeris

In futuro fac gaudere
Perpetim cum superis.