40. Oratio pro peccatis ad Dominum Iesum.

1. Iesu benignissime,

ad te fiens suspiro,
Custodi me, Domine,

a serpente diro,
Nam oppressus vitiis,

proh dolor, deliro
Peccatorum funibus

complexus in gyro.

2. Heu, heu, heu me miseram,

nam peccavi nimis,
Misericordissime

pater, qui sublimis
Sedibus me miserum

reducas ab imis,
Ne quando remaneam

in gehennae rimis.

3. Ego miserabilis,

gemens, desperatus,
Peccatorum funibus

dire sauciatus,
Ad te clementissimum

fugio prostratus,
Parce mihi, Domine,

pro me morti datus.

4. Spes hic et refugium

o desperatorum,
Da, redemptor, scelerum

veniam meorum,
Ne ultra memineris,

clemens, delictorum,
Sed ignosce impio,

salus miserorum,

5. Vota pie suscipe

diu paenitentis,
De commissis contra te

intime dolentis,
Intuere gemitus

pauperis lugentis,
Pro suis flagitiis

coram te plangentis.
6. Si a tuis semitis

peccando erravi
Tuamque clementiam

nimis provocavi,
Te tamen, piissime

pater, non negavi,
Sed ut meum dominum

semper adoravi.