49. De Passione Domini.

1. Iesus patri oboediens,
Suis tradendus aemulis,
De Ierusalem exiens
Processit cum discipulis.

2. Cumque venisset ad hortum
Proditori suo notum,
Avulsus a discipulis
Sudavit guttas sanguinis.

3. Et factus in agonia,
Cum tristis esset anima,
A se transire calicem
Oravit ad Deum patrem.

4. O Iesu, pie Domine,
Qui pro salvando homine
Passus es crudelissime
Noctis quieto tempore.

5. Cum enim orabas maestus,
Iudas turbis, eo, infestus,
Ut te traderet ad mortem,
Secum assumpsit corhortem.

6. Cumque ad hortum venisset
Et turbam ad te duxisset,
Tunc agno miti basia
Lupus dedit venenosa.

7. Et Iudaei accesserunt,
Ut latronem te ceperunt,
Manus tuas ligaverunt.
Et ad principes duxerunt.

8. Tunc discipuli fugerunt
Et omnes te reliquerunt,
Iudaei te percusserunt
Et Annae praesentaverunt.

9. Annas dum scire voluit
Doctrinam, quam non docuit,
De discipulis discutit
Et servus Iesum percutit.

10. Palma caesa dulcis illa
Iesu Christi tu maxilla,
Fac cuncta adversantia
Pati cum patientia.

11. Gloria tibi, Domine,
Qui sacro tuo sanguine
Miro amoris ordine
Nos lavasti a crimine.