66. Ad Latus Salvatoris.

1. Salve, plaga sancta
nostri redemptoris,
Nam ex te fluxit fons
rosei coloris,

Vera medicina
totius doloris

Et aeterna requiei
humani laboris.

2. Salve, plaga sacra,

salus peccatorum,
Tu es consolatio

perfecta maestorum,
Grata refectio,

via beatorum,
Pacis fruitio

portaque caelorum.

3. Salve, plaga recens

semper et fecunda,
Emanavit ex te

salutaris unda,
Per quam liberantur

a morte secunda
Cuncti servientes

tibi mente munda.
4. Salve, plaga sancta,

domus requiei,
Tutum refugium,

ancora diei,
Per te purgantur

a crimine rei
Et introducuntur

in conspectu Dei.

5. Salve, plaga rosea,

plena caritate,
Per te fideles animae

sistunt dealbatae,
Sana cunctos homines

de diaboli potestate,
Duri cordis seras

frange, petimus a te.

6. Salve, plaga Domini,

hasta perforata,
Peccatorum crimina

dele, lanceata,
Paradisi porta

est per te reserata,
Caritate iugiter

reple nos beata.
7. Salve, plaga, pulchrum

speculum peccatoris,
Placa nobis faciem

nostri redemptoris,
Quem non offendimus

semel, sed cunctis horis,
Fac nos sequi vestigia

nostri salvatoris.