69. De Vulneribus Christi.

1. Crucifixe Iesu bone,
Me redemptum passione
Iuxta plagas tuas pone,
Ut te fleam dulciter;

Dulce cum sit de te fiere,
Quid erit de te gaudere,
Certe sic est te lugere
Arrha veri iubili.

2. Verbum, quod est caro factum,
Sextam lustrum post peractum
Tuum ob praeceptum sanctum

Omni parte foederis
Dorsum quoque, pedes, manus,
Sanguis totus, aqua, flatus,
Cuncta dantur morti planctus
Propter mortem hominis.
3. Caput altum conquassatur,
Spinis multis perforatur,
Sputis, palmis exprobratur,
Membrum tuum protegas,
Eia, dextra manus Dei,
Perforata clavo rei,
Iunge tecum actus mei
Meque manu teneas.
4. Manus laeva lapsum leva,
Leva mea facta saeva,
Statuendum parte laeva

Transferas ad dexteram;
O pes dexter salvatoris,

Calles calcans peccatoris
Duc me viam per amoris

Ad amorem spiritus.
5. Tu pes laevus conclavatus,
Gradiendo fatigatus,
Potus, unctus, osculatus,

Gressus meos dirige;
Latus late penetratam,
Sacramentis vas paratum,
His me tuum consignatum

In te fac quiescere.
6. Corpus totum flagellatum,
Demum cruce consummatum
Et sepulcro commendatum,
Cito sed resuscitatum,

Me reum iustifica ;
Meae preces non sunt dignae,
Sed tu bonus fac benigne,
Tu qui passus es indigne,
Ne aeterno cremer igne,

Tecum sim in gloria.