72. Salutatio ad dolores singulorum membrorum Iesu Christi.

1. Salve, salve, Iesu pie,
Fili Dei et Mariae,
Qui de patre sine matre
Et de matre sine patre

Natus es ineffabiliter ;
Aures tuae tam benignae,
Omni vere laude dignae,
Angelorum quos concentus,
Totus caelicus conventus

Mulcet mirabiliter,

2. Quanta probra pertulerunt
Et quam saepe audiverunt:
Hic seductor et peccator,
Hic potator et vorator,

Semper habet daemonium;
Quis has poenas enarrare
Posset omnes, Iesu care?
Mihi sapit tecum fiere,
Non me possum continere
Attendens hoc flagitium.

3. Hinc latronem saevientem
Hinc et Iudaeum frementem:
Vah, qui templum hoc rependit,
Hic de cruce, si descendit,

Hunc scimus Dei filium,
"Prophetiza" nunc clamare,
Nunc te Petrum ter negare,
"Crucifige" replicare,
"Ave rex" te salutare

Lingua insipientium.

4. Malleorum sonus multus,
ludaeorum hinc tumultus,
Hinc Mariae manans vultus,
Hinc creator tamquam stultas

Ab omnibus despicitur.
O stillans mellis dulcore
Pallet totus prae horrore,
Caecos visu qui vestivit,
Hic visu frui desivit,

Quia sputis obruitur.

5. En, pes, caput, laeva, dextra
Dolens passim intus, extra
Gyro hinc, illic regyro,
Nil in tam praeclaro viro,

Nisi dolor conspicitur.
Pignus aeterni ardoris,
Huius causa sum doloris,
Scio, Iesu, quod sum reus
Miserere mei, Deus,

Hoc corpus dum corrumpitur.