92. Oratio de Resurrectione Christi.

1. Salve, resurrectio

sancta redemptoris,
Perfecta ereptio

cosmi transgressoris,
Grata tu refectio

hominum erroris
Potensque deiectio

hostis deceptoris.

2. Tu vere sollemnitas

es sollemnitatum,
Gratiae ac gloriae

fructum ferens gratum,
Relevans salubriter

hominem prostratum,
Dans ei veraciter

veram caelibatum.

3. Ut leo suum catulum

Iesum suscitasti,
Sicut phoenix parvulum

cibo reparasti,
Velut Samson tumulo

captum liberasti,
Ionam ventre belluae

clausum revocasti.

4. Tua resurrectio

nostrae sacramentum,
Effectus erudiens,

causa et exemplum,
Tollens quoque pleniter

nostrum detrimentum,
Humani ambigui

clarum argumentum.

5. Quod surgis in triduo

nec ultra moraris,
Nec prius anticipas,

verus ostendaris.
Homo Deus, qui, ut vis,

morte molestaris
Ac resurgens protinus

potens comprobans.

6. Omnemque miseriam

surgendo deponis,
Clauso quoque tumulo

documen das bonis
Fidei de virgine

matre Dei donis,
Cuius puerperium

expers rationis.

7. Sic et ad discipulos

ostiis intrasti
Clausis ac ad integrum

ipsis reparasti
Fidem sumens, commedens,

lateris monstrasti,
Manum, pedum vulnera,

pie roborasti.

8. Resurgis veraciter

quidquam non passurus
Neque pro hominibus

ultro moriturus,
Doces haec salubria

cum tuis mansurus,
Promittis caelestia

semper regnaturus.

9, Tunc et limbum visitans

infernum praedaris,
Captos tuos liberans

blande consolaris,
O desiderabilis,

diu praestolaris,
Patres clamant: solve nos,

quia dominaris.

10, Tunc horrendi daemones
iustius elisi
Resistendum gloriae
regi sunt advisi,

Angelorum agmine

tormentis divisi,
Eductique singuli

nimium gavisi.

11. Suscitatus appares

bis ter prima die
Primoque prae omnibus

Magdalenae Mariae;
Diligit ardentius,

testes eius viae
Sunt, ut multum quaeritat,

invenit et pie.

12. Mulieres humiles

Simon oboedientes,
In Emaus pauperes

clausi paenitentes
Quinquies diebus aliis

plura invenientes,
Thomae cum discipulis,

notat ambientes.

13. Signant in piscapio

divi praedicantes,
Monte Thabor visitas

viros contemplantes,
Increpas et undecim

dure concertantes,
Ascendens sic corpore

deseris tristantes.

14. Sunt et tres residuae

apparitiones,
Licent evangelicae

non dicant lectiones,
Patrum has veridicae

tradunt rationes,
Creduntque haud dubie

omnes nationes.

15. Dicantque, quod claruit

surgens primo die
Ioseph, Alphaei Iacobo,

virgini Mariae,
Conresurgunt plurimi

apparentes pie,
Paradisum comeunt

sono harmoniae.

16. Nunc, rex caelo praesidens,

virtutum augmentum
Dona nobis, suggerens

vitae ornamentum,
Mens constanter adpetat

gratiae fomentum
Semperque desideret

caeli ad concentum.

17. Iesu, spes, solacium,

sacrum nobis flamen
Mitte, patrem supplica,

semper da solamen,
Christe, et oboediens

amoris conamen
Ac post hoc exsilium

sanctis confer. Amen.