97. De Corpore Christi.

1. Ave, manna virginale,
Manna novum et legale,
Quod nulli sapit homini
Nisi palato virgini.

2. Gaude, felix et invicta
Cum melle ferens symmicta,
Cum lacte bibens balsamum
Intra amoris thalamum.

3. Quem tua pascis specie
Dilectum in meridie,
De cuius mensa regia
Vivit omnis ecclesia,

Da nobis Deum sapere,
Eius amore vivere.

4. Gaude, per quam panis caeli
Vero datur Israeli,
Quem nulli licet edere,
Qui non scit diligere,
Cuius panis angelici
Ut tam pii viatici
Nos repleas pinguedine.

5. Nobis ostendi nuptias
Sponsi et sponsae [facias],
Maria, dulci patria
Vitae fructu nos satia.