98. Salutatio ad Sacramentum Altaris.

1. Ave, vita beatorum,
Viaticum viatorum,
Ave, mundi pretium.

2. Ave, gustus tu vitalis,
Vitae dator immortalis,

Ave, salus hominum,
Tu perficis te edentes,
Deificas te sumentes,

O sacrum edulium.
3. O victima victimarum,
O sanitas animarum,

Sanctissima hostia,
Sanctus, sanctus, sanctus Deus,
[Deus] et salvator meus,

Iesu, nostra gloria.
i. Tu es Deus in natura,
Qui es sub panis figura

Et sub vini specie,

Qui es natus de virgine
Et es passus pro homine,

Tu es hic identice.
5. Sane credo et sincere,
Quod prolatis verbis vere

Sacris per sacrificem
Panis transsubstantiatur,
In carnem Christi mutatur

Et vinum in sanguinem.

6. Super aquas qui firmavit
Terram, ille sic patravit,

Ut stent accidentia
Sine suo fundamento,
Sine sede et subiecto
Diva providentia.

7. Benedictus, qui venisti,
Crucifixus qui fuisti
In salutem populi,
Ecce, Dei salutare,
Ecce, mundi luminare
Vident mei oculi.

8. Summe Deus, te laudamus,
Sacramentum adoramus

Summo cultu latriae,
Supplicesque [te] rogamus,
Praesta nobis, ut vivamus

Iuste, pie, sobrie.

9. Iesu Christe, te pulsantes
Et pro suis flagitantes

Audi facinoribus,
Iure si vis oppugnare,
Peccatores liberare

Quis potest e manibus?

10. Eia, fide recta rata,
Caritate informata

Fac nos in te credere,
Mentis purae cum fervore
Depuratae in dolore

Digne da te sumere.

11. Age, pie Iesu Christe,
Ut vilescat mundus iste

Cum concupiscentia,
Mentes nostras in te siste,
Gloriose Iesu Christe,

Sancta eucharistia.

12. Fac nos in te transformari,
Voluntati conformari

Tuae tua gratia,
Iter sequi fac virtutis
Et in actibus salutis

Da perseverantiam.

Finem bonum praesta nobis,
Abs peccato mori quovis,
Da post vitae gloriam.