114. Ad Spiritum Sanctum.

1. Veni, creator Domine,
Veni, dulcis paraclite,
Veni, o clementissime,
Tuo reple nos numine,

2. Veni, divina pietas,

Veni, summa benignitas,

Veni, perennis bonitas,

Veni, summa tu caritas.

3. Da mihi cor docibile,
Mundum atque intelligens,
Quo sciam, velim, faciam
Semper, quod est conveniens.

4. Scripturae da notitiam,
Memoriam, facundiam,
Qua verbis sacris profluant,
Et oris da custodiam.

5. Da mihi te diligere,
Da bona cuncta sapere
Et opere perficere,
Quod tecum possim vivere.

6. Da facienda facere
Nec agenda neglegere,
Da bonis me intendere
Et te nunquam offendere.