123. De Nativitate BMV.

1. Ave, virgo, pulchra nimis,
Corporis albedine,

Cuius captus est sublimis
Deus pulchritudine,

Quando venit in his imis
De beatitudine.

2. Unde ipse te laudavit

Omnium pulcherrimam
Et in tantum adamavit

Super omnem feminam,
Quod te sibi desponsavit

In amicam propriam.
3. Et tu eum sic amasti

Caritate nimia,
Quod licenter acceptasti

Ipsius sponsalia,
Dum te ei sociasti

Corpore et anima.
4. Mirum autem non fiebat,

Quod te noster Dominus
Super omnes diligebat,

Nam ut solis radius
Forma tua resplendebat

Omni luce clarius.

5. Aurum tibi in fulgore

Non est comparabile,
Nec argentum in candore

Potest esse simile,
Nam tu omnes in decore

Superas mirifice.
6. Recte ergo nominans

Cunctis praeclarissima
Et dilecto comprobaris

Esse dilectissima,
A quo totiens laudaris

Esse formosissima.
7. Ipse etiam formosus

Est et pulcher facie,
Rubens, candens, speciosus

Per virtutem gratiae,
Regnans Deus gloriosus

In superna acie.

8. Almo Deo melodiae

Sint et iubilatio
Atque virgini Mariae,

Cuius deprecatio
In caelestis hierarchiae

Ducat nos palatio.