126. De Nomine BMV.

1. Mater pia orphanorum
Consolatrixque maestorum,
Advocatrix peccatorum,
Miserere miserorum.

2. Angelorum o domina,
Audi nostra precamina,
Eruens nos a ruina,
Pia virgo et regina.

Blume, Pia Dictamina. IV.

3. Rege nos tu, ne cadamus,
Sed ut post te transeamus,
Viam vitae inquiramus,
Ubi tecum gaudeamus.

4. Iam in caelis coronaris,
O praeclara stella maris,
Ab angelis veneraris
Et a nobis salutaris.

5. Ave, mater Iesu Christi,
Quae ad caelos conscendisti,
Morte deposita tristi
Te filio sociasti.

6. Iesum placa, tuum natum,
Nostrum solvat quod reatum,
Pacem donet et ducatum
Ad caelestia beatum.

7. Sit laus patri cum filio,
Sancto simul paraclito,
Trino et uni Domino,
Qui regnat sine termino.