139. De Parta Virginis.

1. Virgo, thronus Salomonis,
Virgo, vellus Gedeonis,

Virgo, mater gratiae,
Salve, cuius nubem nescit
Neque partu dediescit

Dies pudicitiae.

2. Increatum res creata,
Virgo Deum, patrem nata,

Fontem fudit rivulus,
Sic naturae cancellato
Primo iure designato

Vase prodit figulus.

3. Usu partus destituto
Fructum flore non soluto

Parit Iesse virgula,
Fructus flos non deflorescit,
Et aeterni non marcescit

Veris rosa primula.

4. Salve, servis spes aeternae
Libertatis, lux, supernae

Lucis ostiaria,
Salve, per quam servitutis
Iugo fracto sunt salutis
Restituta gaudia.

5. Per te nubes denubescat,
Vitae nubes exarescat

Primae sortis lacrima,
Ut ad mensam trinitatis
Post fermentum vetustatis
Epulemur azyma.