172. De V Gaudiis BMV.

1. Gaude, virgo mater Christi,
Quae per aurem concepisti,

Gabriele nuntio,
Ipsa sola tu fuisti,
Quae pacem cunctis emisti

De tuo servitio.

2. Gaude, quia Deo plena

Peperisti sine poena

Cum pudoris lilio,
Ob hoc nulla rupta vena
Virgo manens et serena,

Natum ferens gremio.
3. Gaude, quia tui nati,
Quem dolebas mortem pati

Fulget resurrectio,
Per quem sumus liberati
Et veteris renovati

Ab erroris devio.

4. Gaude, Christo ascendente
Qui in caelum te vidente

Motu fertur proprio,
Sonus de caelo repente
Apostolis fit non lente,

Redditur in solio.

5. Gaude, quae post ipsum scandis,
Et est honor tibi grandis

In caeli palatio,
Ubi cenas vere mandis
Et, quod habes, cunctis pandis

Et das parvo pretio.
6. Ubi fructus ventris tui
Per te nobis detur frui

In perenni gaudio,
Fac nos peccatis exui
Et tecum caelo statui,

Amen dicat contio.