177. De VII Gaudiis BMV.

1. Gaude, virgo generosa,
Cuius vita gloriosa

Mundo confert gaudium,

. . . . . . .

2. Gaude, virgo, Dei porta,
Te laudantes nos conforta

Perenni subsidio,
Quem dum in ventre portabas,
Elisabeth ministrabas

Amoris obsequio.

3. Gaude, virgo singularis,
Decus orbis, lux solaris,

Digna Christum parere,
Sis pro nobis advocata,
Tuo nato virgo grata,

Die mortis miserae.

4. Gaude, virgo, mater Christi,
Quem adorare vidisti

Reges cum muneribus,
Dignare nos te laudare
Sic, ut possimus regnare

Sursum in caelestibus.

5. Gaude, mater summi regis,
In sequendo formam legis

Filium cum hostiis
Praesentasti fide plena,
Virgo decens et amoena,

Purga nos a vitiis.
6. Gaude, mater, quae filio
Resurgente cum gaudio

Felici laetitia
Gavisa es prae ceteris,
Subveni, quaeso, miseris

Donando vitae praemia.

7. Gaude, mater ascendente
Iesu Christo te praesente

Cum ingenti iubilo,
Te precamur, nos dirigas,
Mentesque nostras erigas

In aevae vitae speculo.