178. De VII Gaudiis BMV.

1. Gaude, stirpe regis nata,
Ab angelo salutata
De superni nuntio.

2. Gaude, fide gravidata,
Novo privilegiata
Partus privilegio.

3, Gaude, fructu decorata,
Tribus magis adorata
Signo stellae praevio.

4. Gaude, Maria beata,
Admodum laetificata
Resurgente filio.

5. Gaude, virgo decorata,
Cui est manifestata
Eiusdem ascensio.

6. Gaude, sancto consolata
Spiritu, irradiata
Suae lucis radio.

7. Gaude, snperexaltata,
In carne glorificata,
Recepta cum filio.

8. Per haec gaudia sacrata
Mala nostra sint ablata
Tuo patrocinio.

9. Sancta et immaculata,
Per te nobis pax sit data
Et caelorum mansio.