183. De X Gaudiis BMV.

I.

1. Gaude, virgo mater Dei,
Firmamentum meae spei,
Ad quam currunt omnes rei,
Sis incola cordis mei,

Et vitiis me purgato
Virtutibusque beato
Reconcilies me nato,
Ne me puniat pro peccato,
Et bis octo promissorum
Confer munus praemiorum
Ob felicem gaudiorum
Denarium hunc tuorum.

2. Gaude, virgo mater Christi,
Verbum verbo concepisti,
Dum hoc Ave suscepisti,
Quod nos solvit a Vae tristi ;
Per hoc Ave tam suave
Nos absolve mortis a Vae

Iugum grave tollens, leve
Confer, mutans nomen Evae.

3. Gaude, fulgens stella maris,
Quae tu nescis thorum maris,
Verum solem Christum paris.
Expers post et ante paris;

Ac per hunc desideratum
Fructum verum ex te natum
Illustres me tenebratum
Vitiorum ob reatum.

4. Gaude, quae, quem peperisti,
Natum quaerens corde tristi,
Quem nimium dilexisti,
Hunc in templo repperisti ;

Sic invento tuo nato
Compatere tribulato
Mihi meque consolato
Non arguas de peccato.

5. Gaude, quod in trinitate
Et in tota deitate
Deum cernis oculate
Adhuc vivens hic beate ;

Eadem me trinitate
Contemplata deitate
Perfrui fac in beatae
Requiei claritate.

6. Gaude, videns baptizatum
A Iohanne Dei natum,
Voce patris nosce datum
Et pneumate illustratum ;

Per te mihi rivus detur
Lacrimarum, quo lavetur
Reatus et baptizetur,
Christus mente cum tenetur.

II.

7. Gaude, virgo casta, pura,
Quod ex omni creatura
Es electa, genitura
Christum trinitatis cura;
Me tibi servum elige,
Diligentem te dilige,
Cum electis me collige
Et ad caelum me dirige.

8. Gaude, quod te matrem Dei
Scis, memento, precor, mei,
Tu ancora meae spei,
Qua salvantur omnes rei;

Memento quoque carorum
Utroque sexu meorum,
Vivorum et defunctorum,
Dans his dona praemiorum.

9. Gaude, quod es imperatas,
Imperantis Dei latrix,
Larga veniae donatas
Et maestorum consolatrix;

Imperatrix, impetrare
Inimicis tu dignare,
Qui me quaerunt condemnare,
Ne me queant superare.

10. Gaude, quod omnipotentis
Dei mater es et sentis
Omnipotentem te gentis
Miseratricem degentis;

Tuam ostende potentiam
Tuam atque clementiam,
Hostis domans saevitiam
Et iudicis sententiam.

11. Gaude, quod assumpta gaudes.
Cui dignas cano laudes,
Quod potenter quis et audes.
Hostis saevi seda fraudes ;

Post te trahe me tuorum
In odore unguentorum,
Ut te sequar ad caelorum
Regna, decus angelorum.

12. Per ista decem gaudia
Dona sedecim praemia,
Quae promisisti, Maria,
Virgo, regnans inclita,

Ac insuper alia
Concede necessaria,
Quae mihi scis utilia,
Orphanorum mater pia.