184. De XII Gaudiis BMV.

1. Gaude, mater speciosa,
Mater Dei regia,
Iam in caelis gloriosa,

Benedicta Maria,
Te laudamus pretiosa
Per bis sena gaudia.

2. Gaude, virgo virginum,

Maria, mater Christi,
Quia primum gaudium

Nobis contulisti,
Quando velut oriens

Aurora prodisti,
Ortu tuo tribuens

Lucem mundo tristi.

3. Ad adfatum angeli

Laeta respondisti:
De me ancilla domini

Fiat, ut dixisti;
Quod dum Verbi nuntio

Responsum dedisti,
Ventris sub hospitio

Verbum suscepisti.

4. Exsultat Elisabeth

A te salutata,
Exsultat et suboles

Eius nondum nata,
Eo, quod credideris,

Dieta es beata,
Dominum magnificas

Sic magnificata,

5. Grande, cuius uterum

Decenter ornavit
Et ad opus proprium

Sibi coaptavit
Caeli res et Dominus,

Qui et te creavit,
Totus novem mensibus

In te repausavit.

6. Stella sole clarior,

Gaude, stella maris,
Ex te clarus exiit

Radius solaris,
Singularis gloriae

Dono gloriaris,
Dum solem iustitiae

Virgo pura paris.

7. Pastores accelerant

Bethlehem tendentes,
Verbum, quod audiverant,

Sanctum requirentes,
Quaerunt et inveniunt

Et invenientes
Te gaudere faciunt

Tibi congaudentes.

8. Sic et magi de longe
Veniunt dicentes
Verbum, quod audierant,
Sanctum requirentes,

Adorant et offerant
Dona procidentes,

Laeta magos aspicis
Ista facientes.

9. Gaude, cuius brachiis

Puer deportatur
Ad templum, cum hostiis

Patri praesentatur.
Offertur pro perditis,

Pater sic placatur,
Et pax tuis meritis

Reis redonatur.

10. Cum Christus ad nuptias

In vinum mutavit
Aquas, quibus hydrias

Impleri mandavit,
Signorum primitias

Hoc signo monstravit,
Quo primas delicias

Mundo praeparavit.

11. Ex te vite vitea

Botrus vitae natus,
Crucis trunco figitur

Dirae morti datus,
Cuius sic te cruciat

Crux et cruciatus.
Mire te laetificat

Hic resuscitatus.

12. Partus tui munere

Perit mors consumpta,
Porta patet gloriae

Vitae spe resumpta,
Cum de morte rediens

Ex te caro sumpta
Ad paternae dexteram

Sedis est assumpta.

13. Quando cum discipulis

Mater consedisti
Et de his, quae fuerant

Facta, contulisti,
De vita, de moribus

Et de morte Christi.
Dona sancti spiritus

Laete suscepisti.

14. Per haec tua gaudia
Memor esto mei,
Virgo plena gratia,
Peccatoris rei,

In Christo primitia,
Alma mater Dei,

Pro tua clementia
Me praesenta ei.

R Per hoc dulce gaudium,
Virgo mater Dei,
Apud tuum filium
Memor esto mei.

Scala caeli 6aec. 14. ex. Cod Pragen. XIII. E. 3.