198. In Assumptione BMV.

1. O virgo, Dei genetrix,
o mater veneranda,
O intacta Christi parens,
o domina laudanda.
2. O redemptrix hominum,
o decus angelorum,
O regina saeculi,
o gloria caelorum.
3. O spes et desiderium
omnium sanctorum,
O quies laborantium,
o salus miserorum.

4. Ergo benignissimam

te matrem imploramus
Tuamque mellifluam
clementiam rogamus,

5. Ut sicut assumpta es

ad Iesum tuum natum,
Et te caeli credimus
tenere principatum,
6. Tu pro nobis digneris
Deum exorare
Atque suam gratiam
nobis impetrare,

7. Ut nos ab hoc exsilio
cito liberare
Velit et in gloria
sua collocare.