201. In Assumptione BMV.

1. Thronus David elevatur,
Dum in caelis exaltatur

Virgo, mater gratiae;
Mulier haec, quae monstratur,
Amicta sole levatur

Ut signum victoriae.

2. In templo perennitatis
Levant arcam sanctitatis

Caelestes exercitus,
Quae iure maternitatis
Cunctis praesidet beatis
Fecundata caelitus.
3. Et ut fuit Deus homo
Praecellentior in domo
Receptus per virginem,

Sic excelsiore throno
Sublimatur eius dono,

Quae lactavit hominem,
4. Numquid Seraphim miratur,
Quod femina praeferatur

Ierarchiis omnibus?
Sic et mirans contemplatur,
Quo haec iure provehatur

Tam excelsis sedibus.
5. Contemplantur, quanto iure
Veneretur, geniturae

Suae iuncta lateri,
Qui nos iungat mortis durae
Passo transacto secure

Spretis portis inferi.

6. Huius vitae ne procella
Nos submergat, interpella
Iudicem iustitiae.