204. De Rosario BMV.

1. Mater nati mirifici,
Aeterni patris lilium
Et pneumatos almifici
Mirabile triclinium,

2. Aurora surgens dulciter,
Taetros illustrans homines,
Qui dicunt Ave iugiter,
Damni non sint participes.

3. Rorem infunde gratiae
Dicenti sertum roseum,
Pro hoc stabis in acie,
Qui fert tuum psalterium.

4. In quinquaginta texitur
Ave sertum virgineum,
In tribus sertis noscitur
Psalterii triclinium.

Or Xi . . . . . . .

Pater noster quindecies
In psalterio recites.
6. Mire prodest psalterium,
Nam praestat paenitentiam,

Lassis dat refrigerium,
Lugentibus gaudentiam.

7. Adgravatos alleviat
Dura laxans compendia
Temptatosque tranquilliat,
Egentes ab inedia.

8. Tenorem observantiae
Religiosis fratribus
Copiamque scientiae
Devotis dat scholaribus.

9. Excludens est poenalia
Regni et territorii,
Mala fert infernalia
Poenasque purgatorii.

10. Recte dictum daemonibus
Infert confusibilia,
Sanctis honorem, omnibus
Largitur perutilia.

11. Iesu ergo concinite,
Ut caelum consequamini,
Mariae quoque psallite,
Ut ad polum ducamini.

R Eia, cari,

Velle non dispari

Hinc offeramus iugiter
"Ave Maria gratia",
Ut ad caeli palatia

Tendamus persuaviter.