205. Ad beatam Mariam V.
Oratio vespertina.

1. Ad te clamamus, audi nos,
Virgo, regina saeculi,
Et in nocte custodi nos
Sicut pupillam oculi.
2. Iam tibi, mater, septies
In die laudem diximus,
Sit nobis in te requies,
Sub umbra cuius vivimus.

3. Fessos diurnis aestibus
Nos somno pacis refove
Nobisque quiescentibus
Tu fraudes hostis remove.
4. Stella fulgore praedita,

Lux iucunda, lux celebris,
In tuas laudes excita

Nos mane pulsis tenebris.