9. De ss. Trinitate et Sacramento Altaris.
13. Oratio Paenitentis ad Deum.
16. De diebus tredecim vel quid Dominus in his operam egit.
26. De Transfiguratione Christi.
27. Incipit prologus rigmaticus in iubilum alaudae mysticae in nomine Domini.
40. Oratio pro peccatis ad Dominum Iesum.
43. Ad Christum et Mariam Oratio.
45. Verba Christi consolatoria.
47. Sequitur devotus rigmus dominicae passionis.
50. Dialogus de passione Domini. Christus ad hominem dicens:
53. Oratio bona et devota de passione Domini.
58. Carmen de Passione Domini.
60. Oratio de passione Domini et de compassione B. V.
65. Salutatio ad Faciem Domini.
72. Salutatio ad dolores singulorum membrorum Iesu Christi.
74. De sancta Cruce oratio devota.
85. Salutatio resurgentis Domini.
92. Oratio de Resurrectione Christi.
98. Salutatio ad Sacramentum Altaris.
106. Metra de Sacramento Eucharistiae.
107. Oratio bona ante Communionem.
108 a. Infra elevationem corporis Christi salutatio.
109. Ad elevationem sanguinis Christi.
110. Incipit oratio Iohannis presbyteri de sanguine Domini nostri Iesu Christi.
115. De Christo D. N. et Spiritu Sancto.
116. Te Deum de Spiritu Sancto.
128. De Nomine beatae Mariae V.
129. De Nomine beatae Mariae V.
131. De Nominibus Christi et Virginis.
137. Thalamus beatae Mariae V.
138. De Parta beatae Mariae V.
150. De Vocabulo Purificationis BMV.
163. Planctus beatae Mariae V.
164. Dialogus Mariae cum Populo.
188. De VII Gaudiis BMV terrestribus et totidem caelestibus.
189. De VII Gaudiis caelestibus BMV.
190. De VII Gaudiis caelestibus BMV.
191. De VII Gaudiis caelestibus BMV.
192. De VII Gaudiis caelestibus BMV.
193. De VII Gaudiis caelestibus BMV.
194. De XV Gaudiis caelestibus BMV.
205. Ad beatam Mariam V. Oratio vespertina.
206. Ad beatam Mariam V. Oratio vespertina.
207. Ad BMV. tempore pestilentiae.
1. Gaude, virgo virginum,
namque tuus pater
Ioachim ac domina
Anna, tua mater,
Gaudium, cum tueras
orta, receperunt,
Qui transacto tempore
dolentes fuerunt.
2. Gaude hac laetitia,
quam te salutante
Habebas ab angelo
et tibi narrante,
Quod de sancto spiritu
esses acceptura
Prolem mater florida
et virgo mansura.
3. Gaude eo gaudio,
quo eras repleta,
Dum in ventre gesseras
tuo mente laeta
Iesum, Dei filium,
qui est consolator
Noster fidelissimus
atque liberator.
4. O Maria domina,
gratia tu plena,
Virgo prudens, nobilis,
mitis ac serena,
Ardentis a baratri
me tuere poena,
Per te fruar gloria
cum sanctis amoena.
5. Gaude, nam laetitiam
Iohannes monstravit
Baptista, in utero
quem mater portavit,
Erat hic tripudians
exsultatione,
Quod de tua venerat
salutatione.
6. Gaude eo gaudio,
quod tunc habuisti,
Nocte dum in Bethlehem
mater peperisti
Sine poena puerum,
Iesum benedictum,
Qui nostrum expellere
venerat delictum.
7. Gaude, mater Domini,
nam laeti fuere
Pastores, dum angeli
vocem audiere,
Per quem ortum noverant
nostrum salvatorem,
Christum, caeli dominum,
mundi creatorem.
8. Stella caeli lucida,
o virgo fecunda,
Nulla inter feminas
tibi par secunda,
A te semper profluit
pietatis unda,
Tu me a criminibus
omnibus emunda,
9. Gaude, nam laetitiam,
Dominus dum natus
De te fuit, mundi rex
caelique beatus,
Domanstrabant angeli,
quando cantilenam
Cantarunt cum gaudio
claram et amoenam.
10. Gaude, flos laetitiae,
nam tres lactabantur
Reges, stellam lucidam
dum contemplabantur,
Adorabant gloriae
regem, quem noverunt,
Aurum, murram puero
et tus obtulerunt.
11. Gaude, flos dulcedinis,
nam sanctus gaudebat,
Dum tuum puerulum
in templo videbat,
Simeon, quem manibus
suis acceptavit,
Anna novit vidua
hunc et exaltavit.
12. Virga Iesse florida,
virgo speciosa,
Vel flos atque viola,
Ulium ac rosa,
Herba odorifera,
vitis fecundosa,
Caelis fac me perfrui
luce gloriosa.
13. Gaude, nam cum gaudio
filium vidistis
Tu et Ioseph, domina,
dum hunc invenistis
In templo post triduum,
namque quaerebatis
Ipsum prius nimium
atque dolebatis.
14. Gaude, benignissima,
nam erant lactantes
Ad honestas nuptias
simul convivantes,
Aquam dum praesente te
in vinum mutabat
Christus, vim deificam
sic manifestabat.
15. Gaude hac laetitia,
qua, cum superavit
Mortem, surgens filius
te laetificavit,
Amicos ab inferis
suos educebat
Et aeternam gloriam
eis conferebat.
16. O arbor odorifera,
fructum edidisti,
Per quam summum apicem
tu acquisivisti,
Ab inferni protege
me dolore tristi,
Duc ad lumen caelicum
me, o mater Christi.
17. Gaude eo gaudio,
quo cor movebatur
Tuum, Iesus dominus
dum elevabatur
Ad paternam dexteram,
quod tu aspexisti
Cum sanctis apostolis
et laeta vidisti.
18. Gaude, nam laetitia
magna replebantur
Orantes discipuli,
dum illustrabantur
Radio paracliti
eos confortante
Et hos in praesentia
tua consolante.
19. Gaude, caeli domina,
nam rex angelorum,
Iesus, tuus filius,
cum coetu sanctorum
Tibi venit obviam
teque sublimavit
In caelestem patriam
atque coronavit.
20. Alma Dei genetrix,
virgo sine pari,
A cunctis periculis
peto liberari,
In superna patria
me fac gratulari,
Ubi semper valeam
Deum contemplari.