CAPUT V

In quo modus significante, tanquam in subjecto inveniatur

Circa quintum est notandum, quod modus significandi passivus materialiter est in re, ut in subjecto : quia materialiter est proprietas rei; Rei autem proprietas est in eo, cujus est, ut in subjecto; formaliter autem est in eo subjecto, in quo est modus significandi activus, quia formaliter a modo significandi activo non discrepat.Modus autem significandi activus, cum sit proprietas vocis significativae, materialiter est in voce significativa, ut in subjecto : in proprietate autem rei, sicut causatum in causa efficienti radicali, et remota; et in intellectu sicut causatum in sua causa efficienti proxima; et in constructione, ut causa efficiens in suo effectu proprio.