CAPUT XLIII.

De modo significandi essentiali generalissimo Interjectionis

Modus significandi essentialis generalissimus Interjectionis, est modus significandi per modum determinantis alterum,quod est Verbum,vel Participium, affectiones animi repraesentans. Nam cum anima af-

Scitur motu doloris, gaudii, metus, et hujusmodi : hoc per Interiectiones exprimitur. Unde Interjectio determinat Verbum, vel Participium non simpliciter, sed in comparatione ad animam, ejus affectum exprimens.

Interjectio ergo est pars orationis significans per modum determinantis. alterum, quod est Verbum, vel Participium, affectus, vel motus animae repraesentans. Et hoc voluit Donatus significare, cum dixit, quod Interjectio est pars orationis significans mentis affectum, voce incognita : id est, conceptum mentis sub voco non deliberata, sed quasi abrupte prolata.