2. De sancto Achatio.

In 1. Vesperis.

Antiphonae.

1. In Dei patris dextera

Mundi fallacis prospera

Turba millenorum

Fide subnixa fugiens,

Regnum coeli fit cupiens,

Consors beatorum.

2. Dena sanctorum milia

Christi jugum subeunt

Fide roborati,

Crucis gerunt insignia,

Spe devota prodeunt

Jam purificati.

8. O quam felix haec generatio,

Quam beata sanctorum legio,

Viam carpens vitae perpetuae,

Mortem vincens vivunt continue.

4. Excelsum nomen Domini

Coetus laudat mirificus

Fortium virorum,

Coelesti junctus ordini

Summis adstat glorificus

Choris angelorum.

E. Fulgent arma Christi clementiae,

Dum sincerum genus militiae

Fide lucens micat in gratia;

Coronantur corona spinea,

Triturantur crucis in area

Mortis angustia.

V. O quam dignae coetus memoriae,

Christi passi ferens eximie

Quaeque ludibria.

Ad Magnificat.

A. O fulgor militiae

Crucis triumphalis,

O decus ecclesiae

Sponsi virginalis,

Virtutis eximiae

Coetus praemialis.

Exaudi nos hodie

Praeservans a malis.

Ad Matutinum.

Invitatoriuiu.

Triumphum victoriae

Martyrum laudemus,

In quo regem gloriae

Christum adoremus.

In 1. Nocturno.

Antiphonae.

1. In lege sacra Domini

Vanis despectis idolis,

Turba militaris,

Fidei juncta lumini,

Fraudibus mundi subdolis

Spretis meditaris.

2. Fremuerunt terreni principes,

Adstiterunt et reges impii,

Dum noverunt Christi participes

Portes esse triumpho proelii.

3. Invocantes gratiam

Christus exaudivit,

Quos partem egregiam

Sibi conquisivit.

4. Intellexit vota fidelium,

Quorum flexit rigores mentium,

Introibunt in domum Domini,

Sempiterno jungendi lumini.

5. Christi nomen mirabile

Fatentur dena milia,

Cujus magnificentia

Fide firmat cor labile,

Cui nil impossibile

Mira coeli dans praemia.

6. Passus dura florens exercitus

Fide mira mundanos strepitus

Superavit,

Ut argentum probatum splenduit,

Quem nulla faex peccati polluit

Aut fuscavit.

Responsoria.

1. Gloriosum genus militiae,

Florens donis mirandae gratiae,

Mortem subit durans in acie

Pro rege gloriae.

V. Christi ludibria tulit eximie,

Crucis insignia gestans non anxie

Pro rege gloriae.

2. Florem mundi

sprevit baec concio

Millenorum

fide firmissima,

Gloriosa

Christi praeconio,

Caritate

fervens amplissima.

V. Non hanc flectit

quaevis promissio,

Non illexit

fallax ambitio

Nec seducens

fraus iniquissima,

Caritate

fervens amplissima.

3. Summi regis sequens vestigia

Passionis praefert insignia,

Flagellatur beata legio,

Condemnatur crucis opprobrio.

V. O quam felix ipsa societas,

Quam poenarum probatvarietas.

4. Turba denorum milium

Christi virtute fortium

Centena fugat milia

Montis excelsi vertice

Fidem capit mirifice

Mira Dei clementia.

V. Curae fuit angelicae

Fidei claros apice

Christi docere munia.

In 2. Nocturno.

Antiphonae.

1. Coeli tabernacula

Martyres merentur,

Qui Jesum per saecula

Vere confitentur.

2. In coeli pascuis

Deus collocavit

Sanctos praecipuis,

Quos mirificavit.

3. Exsultate, praeclari milites,

Namque decet vos collaudatio,

Digna laudis vociferatio,

Summi patris in regno divites.

Responsoria.

1. Quis ut passum

Christum sic sequitur,

Quos feralis

turma persequitur,

Nudat, angit,

flagris insequitur,

Spinis regum

jussa exsequitur

Et cruce terminat.

V. Pretiosa sanctorum passio,

Non difformis Christi ludibrio,

Quam mors examinat.

2. Florens hortus matris ecclesiae

Decoratur rosis rubentibus,

Quas a valle Christus miseriae

Rubicundis junxit martyribus,

Felix genus tantae militiae.

V. Gloriosa palma victoriae

Sancti florent nuncin sublimibus

Triumphatis hostis agminibus,

3. Summi ducis exercitus

Summae virtutis inclitus

Angelicis oraculis

Ad pugnam docetur,

Fide sincera praeditus

Regum non pavet crepitus,

Fulget in miraculis

V. Alligatur vinculis

Tandem in propatulis,

Ut vita privetur.

4. Sanctos sub serto spineo

Deridet plebs nequitiae

Fuso cruore roseo

Cruci clavatos anxie.

Regnaturos decet angustia,

Ut coronae docet materia.

V. De torrente bibunt miseriae,

Quos exaltat caput, rex gloriae.

In 3. Nocturno.

Ad Cantica.

A. O dulcis fraternitas

Mundi vincens crimina,

O felix alacritas

Coeli petens culmina,

Coetus pretiositas

Deum temnit numina,

Sic virtutum germina

Dat militum sanctitas.

Responsoria.

1. Mortis sceptrum comminuit,

Morte crucis dum floruit

Sanctorum congregatio,

Carnem pro fide terminat

Plebs, quam Christus illuminat,

Fortis, potens in proelio.

V. Non altera passione,

Quam qua floret redemptio,

Sed humana laesione

Crucis fulget exitio.

2. Flos campi, convallium

Singulare lilium,

Christus rex, dux militum,

Turbae decem milium

In virtute fortium

Fructus reddit meritum.

V. Per certamen inclitum

Dat pro lucto gaudium

In sede lactantium.

3. Fulget coeli medio

Concio millena

Illustri martyrio

Degustans amoena,

Quam Dei fruitio

Pascit nunc serena,

Quorum felix passio

Laudis fuit plena.

V. Nos horum suffragio

Christi regat unctio,

Ne frangant terrena.

4. Almae crucis

stratis patibulo

Christus adest,

summus rex gloriae,

Qui de carnis

hujus ergastulo

Sanctos locat

in coeli requie.

Quorum preces

exaudit sedulo

Pro devotis

fusas quotidie,

V. Ut laxemur a culpae vinculo,

Delectemur sanctorum titulo

Meritorum obtentu gratiae.

Ad Laudes.

Super Psalmos.

A. Gaude, mater ecclesia,

Nunc tibi dena milia

Sacra sociantur,

Fortes in fide lucida,

Stola decori roscida

Coetus cumulantur.

Ad Benedictus.

A. Tu, Christe, nostrum gaudium,

Nostris adesto precibus,

Qui cum sanctorum milibus

Veniens ad judicium,

Apparebis in nubibus,

Horum festa colentibus

Regni coeli da praemium.

Ad Horas.

Ad Primam.

A. In coelis jubilant

Martyres beati,

Dum mire rutilant

Luce trabeati.

Ad Tertiam.

A. Vigilarunt fortes in acie,

Dum pugnarunt in carne fragili,

Sic virtute divinae gratiae

Triumpharunt fide mirabili.

Ad Sextam.

A. Benedixerunt Dominum

Laude felici carminum,

Regem majestatis,

Dum fit vere laudabilis

Et in sanctis mirabilis

Corona beatis.

Ad Nonam.

A. In excelsis rex potens gloriae

Collaudatur a denis milibus,

Qui supernis adjuti civibus

Christo sonant voces laetitiae.

In.2. Vespers .

Ad Magnificat.

A. O collator sedis empyreae,

Triumphator mortis et zabuli,

Perpetuae largitor laureae,

Jesu Christe, salvator saeculi,

Coetus almi vestis purpureae

Celebramus festa nunc seduli,

Cujus prece fractus dentflosculi

Virtuosos fidelis vineae.