44. De sancto Eleario.

In 1. Vesperis.

Antiphonae.

1. A dextris sedet gloriae,
Nam a dextris justitiae

Sedit vita mortali,
Virgam virtutis explicat
Et nationes judicat

Conquassans caput mali.

2. Justorum in consilio
Dulcique contubernio

Et congregatione
Mandata dat fidelia,
Dum salutis utilia

Jubet Christi sermone.

3. Dispergens dans pauperibus
Pietatis visceribus

Commodans miseretur,
Disponens se judicio,
Cum recta generatio

Christi benedicetur.

4. Elearium nobilem

Respexit Deus humilem

In terra conversantem,
Collocans cum principibus,
Choris quoque coelestibus

In gloria laetantem.

5. Laudent gentes et populi,
Illustres magis saeculi,

Qui manet in aeternum,
Claram sequentes comitem
Per sanctitatis tramitem

Ad bravium supernum.

Ad Magnificat.
A. Proles digna Provinciae,

Stirps generosa comitum,
Princeps suramae clementiae,
Decus et honor militum,
Eleari beate,
Exora dari veniae

Nobis et vitae meritum
Tandemque fructum gloriae
Post hujus vitae transitum
In coeli claritate.

Ad Matutinum.

Imitatorium.

Regem laudantes omnium

In psalmis jubilemus,
In quo et Elearium
Voce magnificemus.

In 1. Nocturno.
Antiphonae.

1. Beatus vir consilium
Devitans impiorum,
Piorum fert vestigium
Sequens viam justorum.
2. Adversas Christum Domini
Plangit conventionem,
Qui vitam dedit homini
Per suam passionem.
3. Voce clamat ad Dominum
In morte dormiturus,
Post vultum plenum luminum
Monstrat resurrecturus.

Responsoria.

1. Puer beatus cingitur

Ad carnem chorda dura,
Adolescensque sequitur

Sermonum Christi jura

Fumiliaeque traditur

Pia forma secura,

V. Per quam Deus excolitur

Et proximus diligitur

Intentione pura.

2. Carnis horrens delicias
Cilicio vestitur,
Corpus sentit angustias

Amictus, dum sopitur,
Sic et per abstinentias
Jejunii nutritur;
V. Jocos spernit et nuptias
Et saeculi blanditias,

Dum Christi crux ambitur,

8. Desponsatur virginitas
In matre salvatoris,
In sancto fulget puritas,

Conjugium honoris,
Sic et perfecta castitas
Tim vendicat amoris.
V. Cor, gestus, vox, activitas
Per cuncta tenent semitas
Virginei pudoris.

In 2. Nocturno.

Antiphonae.

1. Cordis signat laetitiam
Sereni vultus lumen,
Nam mundam conscientiam
Sibi dat Christi numen.

2. Verba percipit auribus

Et pauperum clamorem,
Quorum necessitatibus
Se dat intercessorem.

3. Honor, corona, gloria
Confessori beato,
Dei magnificentia
Ad coelos elevato.

Responsoria.

1. Vir lenis, mitis, humilis
Se clamat peccatorem
Dulcis, blandus, affabilis
Nec despicit minorem
Egenorumque pabulis
Se praebet servitorein ;
V. Leprosos lavans osculis
Mulcet cultusque nobilis
Se monstrat contemptorem.

2. Vir rectus a justitia
Non novit declinare,
Amor, vis, munus, odia

Hunc nequeunt turbare,
Sic perfecta judicia
Perfecte scit amare;
V. Juncta misericordia
Damnatorum supplicia
Docebat deplorare.

3. Caritatis incendio
Salutem animarum
Verbis sitit et studio,
Viribus medullarum,
Hinc nullo pensat pretio,
Quod mundus habet carum.
V. Hinc pius in obsequio
Egenis fit auxilio
Plenisque viperarum.

In 3. Nocturno.

Antiphoiiae.

1. In monte sine macula
Quievit castitatis,
Hinc Dei tabernacula
Habitat cum beatis.

2. Invenit tua dextera

Omnes, qui te oderunt,

Cunctis dum donat munera,

Qui mala tibi quaerunt.

3. Cordis habens munditiam
Et manum innocentem
Ascendit montis gloriam
Terrena transcendentem.

Responsoria.

1. In summa vehit spiritum
Orationis alis,
Fervescit in contuitum

Adspectus facialis,
Devotum fundens gemitum
Pro retractivis malis ;
V. Sic sentit cor imbibitum,
Ut cum venit ad redditum,
Nec paret sensualis.

2. Invicta patientia

Christi armat athletam
Contemptus et opprobria
Mentem vere quietam,
Rerum quoque dispendia
Probant pace repletam,
V. Mors, lanquor, vis, fallacia
Nec tristant quaeque tristia
Animam semper laetam.

3. Dum moritur, conjugi stelleus
Apparuit

dicens: comes beatus
Contritus estper mortem laqueus
Et quilibet

nostrum est liberatus.
Tunc claruit factus aethereus
Miraculis

in Aptam post translatus
V. Infirmis fit salutis nucleus
Affiictisque protegens clipeus
Devotius

ab eis invocatus.

In Laudibus.

Antiphonae.

1. Praecinctus pudicitia
Supra carnis incendia

Ut dominus regnavit,
Decorem mentis induens,
Fortitudinem vestiens
Corpus terrae firmavit.

2. Servus Dei laetitia
Clarescit ad convitia
In exsultatione,

Divinum intrat atrium
In hymnis confitentium
Laudis confessionem.

3. Sic super stratum proprium
Memor est per cilicium

Christi Jesu plagarum,
In quem sitivit anima
Et caro sibi proxima

Luce vigiliarum.

4. Patrem, filium, spiritum
Per operam circuitum

Semper benedicamus,
Sancti et corde humilis
Cum laudibus et jubilis

Magnalia canamus.

5. Terrae reges et principes,
Et juvenes et virgines,
Coeli laudate Deum,
Sequentes Elearium,
Nam rex et princeps omnium
Ad coelum vexit eum.

Ad Benedictus.

A. Exsultet Apta civitas,
Quam exornat praeclaritas

Felicium membrorum,
Tantoque privilegio
Tu dotata religio

Ecclesiae Minorum,
In te sunt ossa condita,
Quibus aegris est reddita

Completio votorum.
Ad te, confessor optime,
Clamant languentes animae

Pro venia malorum.

In 2. Vesperis.

Antiphonae.

1. Ex utero principium
Et generis initium

Sumens stirpe clarorum,
Die virtutis claruit,
Hinc satiari meruit

Splendoribus sanctorum.

2. In toto corde Dominum
Confitetur et luminum

Patrem laude septena
Sanctumque nomen Domini
Suo commendat agmini

Devotione plena.
3. Potens in terra timuit,
Cujus mandatis voluit

Beatus obedire,
Gloria et divitiae
Non poterant justitiae

Ipsius contraire.
4. Ex hoc nunc et in saeculum
Dei per solis circulum

Sit nomen benedictum,
Vosque laudate, pueri,
Puerum suo corpori

Tenentem fune strictum.

5. Laudate, gentes, Dominum,
Quo tempus est interminum,

Veritas manet rata,
Cujus misericordia
Est per sancti suffragia

Super nos confirmata.

Ad Magnificat.

A. O quam felix Provincia,
Sanctorum viridarium,
Proferens Elearium
Virtutum redolentia

Ut fructum Deo caram;
Felix et Apta civitas,
Sancti reliquiarium
Servans electuarium,
Quo datur aegris sanitas,
Sepulchrum signis clarum.