78. In Dccollatione s. Johannis B.

In 1. Vesperis.
Ad Magnificat.

A. Herodis adulterium

Natalis ejus gaudia
Foedavit convivantium

Et saltatricis gratia,
Dum propter matris odium

Caput Johannis impia
In sui lndi praemium

Tulit in disco filia.

Ad Matutinum.

Invitatorium.

Regem praecursoris Domini,
Venite adoremus.

In 1. Nocturno.
Antiphonae.

1. Herodes in luxuriae

Turpe dejectus vitium,
Incestus immunditiae

Permiscens adulterium,
Decus virtutis propriae

Convertit in opprobrium.
2. Dum foede sibi foederat

Fratris uxorem miseram,
Et turpis amor imperat

Turpem non pensans operam,
Ad mortem libens properat

Fovens in sinu viperam.
3. Exemplum turpis operis

Et foeditatis semina
Ministraverunt posteris

Non occultantes crimina
Fratris oblitus foederis

Et sexus memor femina.

Responsoria.

1. Johannes, praeco judicis,
Mandatis in dominicis
Se demonstravit sedulum
Praeambulum.

A curis mundi lubricis
Dum revocabat populum,

V. Quod praedicabat faciens,
Bonis exemplis condiens
Sermonis vitae pabulum.

2. Hujus Herodis monitus
Audire libens solitus,
Deceptus contubernio

Nefario,
Tandem deservit penitus
Pro turpi lenocinio ;

V. Nam ubi regnat nimia
Uxoris pravae gratia,
Locum non habet ratio.

3. Vir sanctus sicut debuit
Incestum dum redarguit,
Artes commentans impias

Herodias
Ut serpens linguam acuit
Contra doctrinas sobnas,

V. Et ut calcata vipera
Insibilabat aspera
Virus in aures regias.

In 2. Nocturno.
Antiphonae.

1. Rex ergo victus misere

Amore, quo non debuit,
Placere dum adulterae

Magis quam Deo voluit,
Horrendo clausum carcere

Vinctum Johannem tenuit.
2. Quem tenens dum recoleret

Natalis sui gaudium,
Jussit, ut satisfieret

In coena votis omnium,
Et large vina funderet

Caterva ministrantium.
3. Egressa tunc in medium

Herodiadis filia,
Ante conspectum regium

Missa saltandi gratia,
Vultus convertit omnium

Ad sui ludi gaudia.

Responsoria.

1. Ergo dum illa luderet,
Et rex libenter cerneret,
Amoris temerario
Consilio
Tetendi, quid eligeret,
Puellae datur optio ;
V. Augmentum namque gratiae
Contraxit ludus filiae
De matris lenocinio.

2. Promissa temeraria
Matri ferente filia,
Draco cruorem sitiens,
Haec audiens
Ad inhumana praemia
Hortatur illam saeviens.
V. O gravis ira feminae,
Crimen defendens crimine
Et in furorem finiens.

3. Praeceps lascivia
Per devia

Inconsulte properans.

Post casum deliberans,
Sera poenitentia
Facta damnat levia,

Rem tandem considerans.
V. Hoc Herodi contigit,
Quod lascive pepigit,

Sibi post improperans.

In 3. Nocturno.
Antiphonae.

1. Puella missa reddere
Responsum matris miserae

Ad regem cito rediit
Et pro concesso munere

Caput Johannis petiit.

2. Funestum petit praemium
Et munus tam nefarium,

Funestus rex ut audiit,
Scelus abhorrens nimium

Ad se confusus rediit,

3. Et prius dum in dubium
Rem adduxisset ratio,

Pudore discumbentium
Dum timet de perjurio,

Stultorum improperium
Redemit homicidio.

Responsoria.

1. Tam tristi quam nefaria

Sententia
Damnatum pro justitia
Caput Johannis tollitur
Et dirae matri redditur

Impia
Discum gerente filia.
V. Sic factum regis impii
Os vertit sapientium
In murmur improperii
Et in stuporem gaudium.

2. Pro tanti viri merito

Corpus honore debito

Sepelierunt seduli
Discipuli

Et regem corde tacito

Maledicebant singuli

Rumore tam insolito

Aures pulsante populi.
V. Nam pia recordatio

Cor vulnerabat omnium,

Quos sancta praedicatio

Fovebat et consilium

Dilecti Deo famuli.

3. Annua Baptistae

sacra festa colat chorus iste
Exemploque boni

vitam condire patroni
Sic satagat festa,

quod sobria sint et honcbta,
Ut Domino vere

possint sanctisque placere ;
V. Nam laus est grata,

voci si vita beata
Consonet et sordis

nil celent intima cordis.

In Laudibus.
Antiphonae.

1. Laudibus hunc dignis

psalmis veneremur et hymnis,
Qui nondum natus

quasi jam servire paratus
Praeconiis dignum

meruit praetendere signum.
2. Hic Domino gratus,

ipsi quoque sanctificatas
Ex utero matris,

major puerilibus annis,
Secretum caeli

concepit mente fideli.
3. Vir vitae celebris,

nullum partus muliebris
Fudit majorem,

cui summum praestathonorem
Os ipsum Christi,

quod verbo consonat isti.
4. Virtutum testis

pauper thorus, aspera vestis,
Esca levis, potus

levior, locus ipse remotus
A turba, vere

vivendi forma fuere.

5. Unus ei Dominus

in personis quoque trinus
Se manifestavit,

dum natum clarificavit,
Vox patris in lavacro

veniens cum flamine sacro.

Ad Benedictus.

A. Insidiis hostis variis

ut praevaleamus
Subque tua prece praecipua

tuti maneamus,
Fac tua nos documenta sequi,

Baptista beate,
Aspera constanter,

bona tranctando moderate.

In 2. Vesperis.
Ad Magnificat.

A. O praecursor summi regis,
Spes commissi tibi gregis,
Tuae laudi sedulos
Adsistentes famulos
A peccati nexibus
Tuis solve precibus.