70. De sancto Ketillo.

In 1. Vesperis.
Antiphonae.

1. Vir Domini prudens,

meritorum luce refulgens,
Praeclarus genere

morumque micans probitate,
Tempore praeclari

fertur regis Nicolai
In lucem sanctus

mundi prodiisse Ketillus.

2. Sic pias ac mundus,

ut ei quis in orbe secundus
Vix foret aut similis

in commissoque fidelis,
Mnam meruit Domino
multiplicare suo.

3. V ir pius ac justus

verbique lucerna, Ketillus
Munere multiplici
meruit Domino famulari.

4. Clarus honestate,

rutilans mira bonitatc,

Mitis, mansuetus,

humilis, pius atque modestus

Induit algentes

satiavit et esurientes.

5. O felix Christi

confessor, qui meruisti
Sic de terrenis

largiri rebus egenis,

In permansura

quo mutares peritura
Et felix fruereris

eis per saecla futura.

Ad Magnificat.

A. Magnificet Dominum

vocis et carmine laudum

Plebs laetabunda,

clerus quoque voce jucunda,

Athletac Domini,

recolens sacra festa Ketilli.

Ad Matutinum.
Invitatorium.

In sanctis Dominum

trinum laudemus et unum,
Qui meritis rutilum

transvexit ad astra Ketillum.

In 1. Nocturno.

Antiphonae.

1. Edita nobilium

proles de stirpe parentum
Ut radiis sidus
mieuit virtute Ketillus.

2. Simplex, innocuus,

patiens et corpore castus,
Igne calens superum
spernit cum germine mundum

3. In donis crescens

coelestibus hinc adolescens
Cognitus est vere

Domino populoque placere.

Responsoria.

1. Beatus vir Domini Ketillus,
Ex illustri prosapia ortus,
Cum adhuc esset in aetate tenera
Coepit devotus Deo existere
Utraque innocentia
Et simplicitate
Domino hominibusque place.

V. ''Dilexit enim Christi mandatum
super aurum et topazion.''

2. Contemptis igitur parentum
opibus
Divitiis intendebat coelestibus,
Ut relinquens peritura
Possideret permansura
Cum sanctis in gloria,

V. ''Ubi nec aerugo nec tinea de-
moliuntur , et fures non effo-
diunt nec furantur.''

3. Sub jugo religionis
Renitens virtutum donis
Sacerdos est consecratus
Et in grege sublimatus.

V. ''Accipiens benedictionem a Do-
mino et misericordiam a Deo
salutari suo.''

In 2. Nocturno.
Antiphonae.
1. Forma gregi factus

per mores atque per actus,
Quos informavit,
hos verbi semine pavit.
2. Christum suscipiens,

Christum per membraque
pascens
A Christo pasci

meruit dape spirituali.

3. Vir sanctus tribuit,

Dominusque magis superaddit,
Succrescunt dona,
succrescit et aucta corona.

Responsoria.

1. Erat hic Dei dilectus,
Humilitate praeditus,
Castitate praeclarus,
Largitate conspicuus,
Blandus alloquio,
Firmus consilio,
Misericordia insignis
Et caritate inaestimabilis.
V. ''Dilexit enim ex tota virtute
Deum et proximum sicut
seipsum.
''2. Cum orasset vir beatus,
per crucis signaculum
Muniendo civitatem
repressit incendium.
V. ''Mirificavit Dominus sanctum
suum et exaudivit clamantem
ad eum.
''3. Tu vitae speculum,

mundi praeclara lucerna,
Nos exempla sequi

tua fac per dona superna.
V. ''Ut illuminemur per illum, qui
illuminat omnem hominem
venientem in hunc mundum.''

In 3. Nocturno.
Antiphonae.

1. Qui populo Christi

vivendi forma fuisti,
Moribus ornari

nos et te fac imitari.
2. Ad te clamantes

famulos veniamque precantes,
Alme pater, Domino
Ketille reconciliato.
3. Qui dono Christi

virtutibus emicuisti,
Hanc defende tuam,

pastor venerande, catcrvam.

Responsoria.

1. Servus Dei nudulum
Obviam habens leprosum

Refovet et induit,
Sed indutus ab ipsius
Conspectu evanuit,
V. ''Beatus qui intelligit super ege-
num et pauperem, in die mala
liberabit eum Dominus.''

2. Viro sancto nocte quadam
Recitante homiliam
Per lumen interius,
Quod exstinctum prius erat,
Accendi in manu ejus
Visum est a fratribus.

V. ''Mirabilis Deus in sanctis suis
et gloriosus in operibus suis.''

3. Gemma clara confessorum.
Norma gregis, forma moram,
Pro salute devotorum
Funde preces famulorum.

V. ''Non recedet memoria tua, et
nomen tuum requiretur a ge
iteratione in generationem.''

In Laudibus.
Antipbonae.

1. Ad laudem Domini

cantus promantur et hymni,
Qui tribuit sancto
virtutum dona Ketillo.

2. Qui variis renitens

donis signisque refulgens
Restituit visum

caecis, claudis quoque
gressum.

3. Surdos ac mutos,

a lepra commaculatos
Sanos reddebat

et opem multis tribuebat.

4. Ergo Deum caeli

benedicite corde fideli
Atque pium servum

facientem signa per illum

5. Cujus erat vita

morum radio rethmita,
Ejus nunc opera

lucent virtute referta.

Ad Benedictus.

A. Exsultans celebra

melodum laude canora
Sacra patris nostri

votivaque festa Ketilli,
Hinc quem sublatum

felicius et sociatum
Coetibus angelicis

veneratur turma fidelis.

In 2. Vesperis.
Ad Magnificat.

A. Magni magnifice

regis bone fideque serve,
Introgredi Christi

qui gaudia promeruisti,
Pro nobis ora,

quo perveniamus ad illa.