90. De sancta Sunniva.

In 1. Vesperis.
Super Psalmos.

1. Gaude, felix Hibernia,
Tuae reginae gloria,

Mundi regnum spernentes,
Qua patrona Norwegia
Freta cum turma socia
Nutu Dei viventis.
2. Ex Hibernis proscriberis,
Dum pro fide catholica
Tu cum tuis zelaris,
Fac nos fermenti veteris
Extorres, Deo supplica,
Quae tot auxiliaris.
3. Cum sis profecta peregre
Fide mereris patriam

Repromissam renatis,
Junge nos Deo integre
Per vitae sanctimoniam
Monte martyrizatis.
4. In hac sancta familia
Tu princeps, virgo regia,

Bergensium patrona,
Quae domans in jejunio
Carne, mundo, daemonio
Yictis fulges corona.

5. Spirituales nuptiac
Christi, martyrum hodie

In coelis celebrantur,
Licet nobis sint annuac,
Tibi, Jesu, continuae,

Duc nos, ubi lactantur.

Ad Magnificat.

A. Adest dies immensi gaudii,
Quo cum turma miri martyrii
Reginarum decus et gloria
Regum regis intrat palatia.

Ad Matutinum.
Invitatorium.

Ad Selinensium

Sacra solemnia
Plaudat fidelium

Mater ecclesia.

In 1. Nocturno.

Antiphonae.

1. Secus decursus fluminum
Plantat justorum vineam,
Qui martyrum et virginum
Aptat agoni lauream.

2. Sors felix hujus populi
Migrantis monte Selio,
Qui sprevit plausum sacculi,
Plaudit in Dei filio.

3. Viperanim genimina
Oderunt sanctos Dei,
Quos dat virtus intermina
Aeternae requiei.

Responsoria,

1. Manum virgo mittit ad fortia,
Spernit opes, spernit imperia,
Sed et thori spernit consortia
Cum turma socia.
V. Pollens virtutibus
Et pellens vitia
Paternis urbibus
Praefert exsilia.

2. Freta Dei consilio

Cum suis virgo regia,
Dum tristem locum Selio

Post transitum per maria
Intrat pro patris solio
Sub vita solitaria;
V. Frigus, aestus, sitis, jejunia
Sanctos probant in patientia.

3. O Sunnivae mira constantia,
Quam non movet regnandi gloria
Nec horrenda frangunt exsilia,
Spatiosa nec terrent maria,

V. Hanc immensa sequens familia
Nulla flecti valet injuria.

In 2. Nocturno.

Antiphonae.

1. Hi orthodoxi latria
Scuto benignitatis
Fulgent, fidei gratia,
Spei et caritatis.

2. Hi montibus sub insulae
Sunt sancti comminuti,
Sed supra montem speculae
Congaudent constituti.

3. Cedunt in fine finibus
Ut Abraham paternis,
Pro mundanis affectibus
Gratulantur acternis.

Responsoria.

1. Hujus sacri palatii
Patrona imploraris,
Ad preces gregis anxii

Libens sollicitaris,
Ne manus hostis impii
Nos turbet, tuearis,
V. Nec reos nos judicii,
Consilii, incendii,
Sis via salutaris.

2. Olim vestita mollibus
Sunniva cum familia,
Post haec ciliciata,
In quam jactis lapidibus
Ex inaudita furia

Gens sacvit insensata.
V. Virgo degit sub rupibus
In fame voluntaria
Et carne macerata.

3. Innocentes devote vivere
Captant, quaerunt desertum

propere,
Quos infestant coloni temere,
Credunt lupos sub agni vellere

V. Salvat verbum incarnatum
Hos agentes coelibalum.

In 3. Nocturno.

Antiphonae.

1. Caput sub luce proditum
Praeter vires naturae
Prodit locum incognitum
Sanctorum sepulturae.

2. His ex vivis palmitibus
Dat fructus gratiosos
Vitis tollens fidelibus
Excessus scelerosos.

3. Te decet, rex, hymnidicis
Laudibus adorari,
Qui sanctos de te reficis
Calice salutari.

Responsoria.

1. Turbare turbam virginum

Comes Haquinus nititur,
Feralia libidinum

Edicta amplectitur,
Membrum mortis, vir sanguinum

Frustratus spe confunditur.
V. Dum baee preces ad Dominum

Fudit virgo, protegitur,
Spe, fide sponso virginum

Sponsa cum suis jungitur.

2. Ne foedet furor gentium
Concentum innocentium,

Ad montem properatur,
Subit ultro martyrium,
Virgo sub mole montium
Cum suis victimatur.
V. Post cursum praesens stadium
Coeleste per obsequium
Sunniva laureatur.

3. IIi sancti tabernaculum

Sunt Dei cum hominibus,
Quod Jesus consecravit,
Per quod nobis piaculum
Deletur debitoribus
Et hostis exsulavit.
V. O sublime spectaculum,

Quam libenter in talibus
Rex Jesus triumphavit.

Ad Laudes.
Antiphonae.
1. Per murum matris gremio
Cadens exstinctus cernitur,
Parenti puer Selio
Per sanctos vivus redditur.

2. In Sunnivae basilica

Pernoctans caeca nata,
Gaudens luce mirifica
Virgo redit sanata.

3. Vir turris cono corruit,

Sancti salvant cadentem,
Muro turbo reposuit
Fenestras facientem.
4. Matrona paralytica

Ad hos sanctos accessit,
Domum ope dominica
Incolumis recessit.

5. Charybdi navis laeditur,
Sunniva imploratur,
Onusta manat, mergitur
Dum haec evacuatur.

Ad Benedictus.

A. Ponte cadens virgo colliditur.

Ut curetur, a sanctis petitur,

Recidivat, dum votum frangitur.

Voto sospes grato regreditur.

In 2. Vesperis.
Ad Magnificat.
A, Ex Hibernis superna bonitas
Sanctos misit per maris semitas.
Unde nobis fidei veritas
Crescit, cessat erroris caecitas.