36. De sancto Cuthberto.

In 1. Vesperis.
Super Psalmos.
A. Alme confessor Domini,
praesul regis aeterni,
Cutbberte, consors sanctorum,

concivis coelestium,
Exaudi preces tuorum,
sume vota supplicum
Et pro nobis regem regum
ipsum posce Dominum.

Ad Magnificat.

A. Oriens sol justitiae
Dignatus est illustrare
Per ministros lucis suae
Cunctos fines orbis terrae;
Ipsi laus, qui dedit Anglis
Lucernam suae salutis,
Cuthbertum, bonum doctorem
Ac pro his intercessorem.

In 1. Nocturno.
Antiphonae.
1. Auctor donorum spiritus,
Inspirans vera vatibus,
Per trinum fatur infantem,
Cuthbertum fore praesulem.

2. Qui Raphaelem archangelum
Tobiae dedit medicum,
Cuthberti genu languidum
Suum sanat per angelum.

3. Dum jactanter puppes salo,
Sanctus orans haeret solo,
Mox ventorum vis mutata
Naves vertit ad litora.

In 2. Nocturno.
Antiphonae.

1. Edomans corpus juvenis
In undis pernoctat maris,
Ibi Deo vota laudis
Ex affectu reddit cordis.

2. Mirum dictu, hinc egresso
Et oranti genu flexo
Membra refovent rigida
Aequoris animalia.

3. Adest frater curiosus

Explorans, quid agat justus,
Quem languore et pavore
Mox correptum sanat prece.

In 3. Nocturno.
Antiphonae.

1. Quandam vexatam daemone
Pergit sanctus invisere,
Sed mox dirus fugit hostis
Fit mulier incolumis.

2. Multos hic sanavit aegros
Languores depellens saevos,
Multas effugavit larvas
Virtute crucis temtas.

3. Sanctus antistes Cuthbertus,
Vir perfectus in omnibus,
In turbis erat monachus
Digne cunctis reverendus.

In Laudibus.
Antiphonae.

1. Christi fortis hic athleta
Ac verus anachoreta
Mundi tempsit haec infima,
Quo coeli caperet summa.

2. Qui de rupe prompsit aquam
Post in vinum vertens eam,
Hoc atrumque donum suo
Caro contulit Cuthberto.

3. In episcopatu suo
Jam exacto biennio,
Ut soli vacaret Deo
Dilecto se reddit antro.

4. Hinc tanguntur artus sacri
Corporis morbo letali,
Sciens vero se resolvi
Confortat ovile Christi.

5. Mox pater suos affatur:
Quisque vestrum temnat mun-
dum,
Amet Christum, colat bonum,
Sic supernum sumet regnum.

Ad Benedictus.

A. Languor accrescens in uieb
Artus vexabat fragiles,
Ipse sacras fundens precet
Coelicas praegustat laudes.
Dum terrenus redit, dies
Aeternus Cnthberto quies,
Salutares sumit dapes,
Sic supernas scandit sedes.

In 2. Vesperis.

Ad Magnificat.

A. O magne praesul Cuthberte,
Cui Christus fuit vivere,
Cui mori lucrum perenne,
Dum post mortem vivis vere,
Signis divinis inclite,
Languidos sanans a labe;
Hinc rogamus pia prece,
Tu pro nobis intercede.