94. In Translatione s. Thomae Cantuariensis.

In 1. Vesperis.
Super Psalmos.

A. Adest Taoroae martyris

Optata translatio,
Qui divini numinis

Fulget beneficio ;
Gaudeamus et psallamus

Ad honorem praesulis,
Ut virtutem et salutem

Suis praestet famulis.

Ad Magnificat.

A. Ave, Thoma, vir insignis,

Forma patientiae,
Virtutum praefulgens signis,

Defensor ecclesiae,
Tuis impetra benignis

Respiramen veniae,
Quam benignus dat indignis

Distributor gratiae.

Ad Matutinum.
Imitatorium.

Adoremus Dominum,
Qui Thomam egregium
Magnifice mirificat
Et miranter honorat.

In 1. Nocturno.

Antiphonae.

1. Lignum odoriferum
Flore est translatum,
Quod floret uberius
Redoletque dulcius
Celsius locatum.
2. Praedicavit hic praeceptum
Domini viriliter,
Est in ejus monte sancto
victurus perenniter.

3. Insurgebant

In Christum Domini
Patenter plurimi,
Obstabant potenter.

Responsoria.

1. Volens Deus populo

Prospere prospicere

Pretiosum martyrem

Curavit extollere,

Cujus exaltatio

Nobis sit remissio.
V. Anno quinquagesimo martyrii

sui solemniter est translatus.

2. Annus adest pacis,
belli terrore remoto
Crescit in orbe quies
et rerum copia toto ;

V. Translato Thoma

succedunt prospera cuncta.

3. Annus iste jubilaeus,
Omni plenus gaudio,
Quem providit esse Deus,

Fiat relaxatio
Debitorum et servorum
Certa liberatio.
V. Quod lex contulerat,

data Thomae gratia donat.

In 2. Nocturno.
Antiplionae.

1. Exaudivit Dominus

Thomam invocantem,
Qui pro nobis audiat
pie supplicantem.

2. Thomas coram Domino
vixit in timore,
Ideo cum Domino
regnat cum decore.

3. Coronatur pontifex
gloria decoris,
Qui coronam perdidit
ictu percussoris.

Responsoria.

1. Virtutum immensitas
Ultra maris semitas
Nomen Thomae deportavit,
Qui multorum defraudavit

Daemonum praestigia
Et morborum denodavit
Nexus et flagitia.

V. Innovantur vetera
Pietatis opera
Et jugis in Thoma
Manet Christi gratia.

2. O Thoma, prae ceteris
Martyribus clare,
Nobis posce miseris

Donum salutare,
Ut detur cum superis
Nobis habitare ;
V. Annue, salvator,

Thomae dilectus amator.

3. Ad Thomae memoriam
Currant, qui gravantur,
Poscant ejus gratiam,
Orent, ut salventur,
Ut misericordiam
Dei consequantur ;
V. Crimina deplorent,

cordis singultibus orent.

In 3. Nocturno.

Antiphonae.

1. Justus pro justitia
Stare non vitavit,
Aequitatem Dominus
Ejus approbavit.

2. In excelsis pontifex
Habitat securas,
Qui pro domo Domini
Firmus erat murus.

3. Thomae desiderium,
Christe, tribuisti,
Ad te per martyrium
Sequi voluisti.

Responsoria.

1. Pracsul Christi pretiosus,

Ornatus virtutibus,

Velut hortus speciosus

Circumseptus floribus,
Cujus rigant aromata
Mundi diversa climata ;
V. Plenus erat rore,

divino plenus odore.

2. Fons iste scaturiens
Est a fonte prodiens,
Qui nescit deficere,
Cujus aquae saliunt,
Vivunt et reficiunt
Fessos in itinere ;
V. Fons fugat ardorem,

recreat redditque vigorem.

3. Summe Deus, quo fulcimur,

Solve, quibus irretimur,
Delictorum vincula,
Repelle pericula,

Quae meremur, quae veremur,

Dimitte debita

Martyris per merita.
V. Corrige mores,

Dirige gressus,

Erige mentes.

In Laudibus.
Antiphonae.

1. Summa cum laetitia

Thomas est translatus
Et ad Christi gloriam
Decenter locatus.
2. Tenebatur pontifex
Loco prius humili,
In sublimi positus
loco jacet nobili.

3. Plebs devota veniat

ad Thomae memoriam,
Ut ejus suffragio
consequatur veniam.

4. Confluant ad martyrem
a diversis partibus,
Ut salventur languidi
variis languoribus.

5. Exuant, qui veniunt,
vestem vetustatis,
Vestem novam exigit
festum novitatis.

Ad Benedictus.

A. Celebremus venerandi
Praesulis ac martyris
Inclitam translationem,
Ut per eum transferamur

Ab hac vita fragili
Ad aeternam mansionem.

In 2. Vesperis.

Ad Magnificat.

A. Felix praesul,

martyr egregie,
Felix miles

regis justitiae,
Felix pastor,

gregis suspiria
Intuere

mente propitia,
Felix pater,

exora Dominum,
Ut nos salvet

salvator omnium.