17. De s. Augustino Cantnariensi.

In 1. Vesperis.
Ad Magnificat.

A. Augustinus a beato

Electus Gregorio
Juncto secum venerando

Sanctorum collegio,
Ut fractum ferret Domino

Ex Anglorum populo,
Nunc fulget ut sol in coelo

Lucro centuplicato.

Ad Matutinum.

Invitatorium.

Pastorum summo principi

Jubileraus Domino,

Qui beatum confessorem

Elegit Augustinum.

In 1. Nocturno.
Antiphonae.

1. Legis divinae

vir hic medicamine fretus

Protulit eximium

verbi de semine fructum.
2. Anglorum populis

cultor dicebat herilis:
Deservite Deo

mentis habitu tremebundo,
Ejus justifica

ne depereatis in ira.

3. In montem Domini

positus pastor reverendus
Orans pro populis

curam satagebat ovilis.

4. Augustinus ait

Satanae cultoribus: Ut quid
Corde gravi colitis

hominum mendacia nati,
Sacrificate Deo

cordis libaraine vero.
5. Orabat sanctus

Dominum pro plebe sacerdos:
Juste Deus, ne permaneant

hi semper iniqui,.

Sed tibi subdantur
credentes corde fideli.

6. Vir Domini quantum

perfecerit ille laborum,
Testantur pueri

divina laude canori.

Responsoria.

1. Augustinus, vir modestus,
Miraculis praecipuus,
A beato Gregorio
Sacratus episcopio
Anglorum genti vividam
Verbi monstravit lucernam.

V. Doctrina fretus mystica,
Virtute apostolica,
Subjectis sibi plebibus
Ut tuba evangelica.

2. Riomulea sancti

digressi protinus urbe
Nomine pro Cbristi

alta petunt pelagi,
Quos Augustinus,

divino dogmate plenus,
Ornabat gestis,

moribus, eloquiis,
V. Exercens jugibus

jejunia longa diebus
Commendata sibi

jura ministerii.

3. Insignis pastor

de summo culmine puppis
Prospiciens arvum

perverso germine comptum
Orans cum sociis

lacrimis ita fatur obortis:
Christe, sator rerum,

vim comprime daemoniorum,
Ut tibi complacitam

possimus gignere plebem.
V. Introitum nostri

tu lumen dirige verum,
Lucrandis populis

auditum praebe benignum.

4. Cum pietatis opus

plantaret cultor opimus,
Humani generis

rugiebat pestifer hostis,
Dum nimium frendens

vacuas dum territat auras
Faucibus ex rabidis,

depellitur agnus herilis.
V. Suscipit ecclesia

vitae documenta perennis,
Idola depereunt

mortis Satanaeque furentis.

In 2. Nocturno.
Antiphonae .

1. Sancte carens macula,
vitae laetaris in aula,
Augustine, gregi
veniam deposce precanti.

2. Actibus innocuis

et corde pia tus et ore,
Confessor Domini
transivit ad gaudia coeli.

3. Lumen sensificum,

totius palma salutis,
Hujus nos precibus
protege pontificis.

4. Et qui consortes

non possumus esse decoris,
Effice nos, Domine,
participes veniae.

Responsoria.

1. Vera salus populorum
Per beatum Augustinum
Sanavit gentem Anglorum,
Qui per verbum veritatis
Languidos oblatos sibi
Restituit sanitati.

V. Baptizato quoque rege
Ac plurimis fidelium
Congaudebat quotidie
De numero credentium.

2. Confessor Domini bonus

praedicans instantius
Minas sprevit barbarorum

graviter furentium,
Insuper ab ipso rege

colitur magnifice.
V. Daemones verbo fugabat,

ordinans ecclesiam
Insistebat officiis

juxta ritum mysticis.
3. Inter falsiloquos

forte recumbens
Verbis pontificum

jure coactus
Sanctus vir Domini

percitus inquit:
Jam nunc sufficiunt

plurima verba,
Sed virtus Domini

vera probetur.
V. Curatoque dehinc

corpore caeco
Importuna fugat

agmina dicens.
4. O meritum justi

nimium laudabile testis,
Quos nec vis hominum

valuit superare nec arma,
Hos Augustinus

solo sermone subegit.
V. Armatus verbi

gladio galeaque salutis
Indomitos adiit

doctrinae vilibus Anglos.

Ad Laudes.
Antiphonae.

1. Augustinus ecclesiae
Restaurator Angliae,

Docebat Christum colere
Idola respuere.

2. Armatus cruce nobili
Stabat verbo fidei,
Regem saevum prae ceteris
Christi junxit discipulis.

3. Praebebat sanctus

cunctis exempla salutis
Ecclesiae sacro
deditus officio.

4. In conspectu populorum
Per sancti viri meritum
Confesso Christi nomine
Caecus gaudet de lumine.

5. Ad hujus sancti tumulum
Curantur membra languentum,
Per cujus summum studium
Cognoverunt altissimum.

Ad Benedictus.

A. Hodie pater Anglorum
Consors factus angelorum
Migravit ad Jesum Christum.
Gaudet mater ecclesia
Verbo Dei fecundata,
Quae beatum pontificem
Praemisit in Jerusalem.

In 2. Vesperis.

Ad Magnificat.

A. Magne praesul, doctor gentium,
Pater Anglorum,
Alme Augustine,
Intercede pro populo,
Quem lucratus es Domino,
Veniam posce famulis,
Quibus donasti verbum salutis.